粵語是不是母語，這個話題本來我覺得好無聊。以我而言，我老母的確是說粵語的，嚴格來說，我細個嘅時候，她是講帶有鄉音嘅粵語，與今天香港人講嘅粵語和她本人今天講嘅粵語都有一定區別，姑且當係吧。 今次無風起浪的緣起，是中大中文系前高級講師歐陽偉豪博士（Ben Sir）回應一篇幾年前宋欣橋教授所寫的文章，提及粵語並非「母語」，Ben Sir質疑教育局引用權威失準，並有矮化粵語的動機。我想談談「質疑動機」是一樣什麼樣的行為。動機是一個人內心的想法，外人無從得知，除非你有證據，但如果你有證據，說明已經有所行動，就不是單純的動機了。所謂質疑動機，是個人發揮想像力去推論別人有可能的想法，只能夠說「不能排除」這種可能性。雖然係咁，我仍然尊重每個人可以去質疑任何事，但如果太投入去七情上臉，群起而攻之，呢個做法就好文字獄。 通常誰最中鍾意「質疑動機」呢？一般都是缺乏安全感的人。我的經歷，覺得自己無助的老人家最容易陷入這個怪圈，我對此有深刻的經驗教訓。中學年代有一段時間與外婆同住，外婆思維敏捷、生性多疑，最重要是他有好多個兒子，全部都與之翻臉了，因此她極度缺乏安全感、極度敏感。她每一日都可以質疑我嘅動機。 譬如，如果她在客廳，我離開嘅時候唔小心關咗燈，她都會質疑：「你明知道我喺度都關燈，咩意思啊？係咪想仆死我？想趕我走？」又或者我腸胃不好，在她所在的處所不小心放咗個屁，咁就大獲鑊啦：「你仲話唔係嫌棄我？唔係你點解喺我身邊放屁？你呢個人太陰濕啦！恨不得我早啲死添嘛！」唔記得？無忍住？喺呢種人面前，解釋係無用嘅。因為「質疑動機」是不需要有證據。你可以挖個心出來給我看嗎？質疑動機是可以無限嘅喔！

動機根本無從證偽

大家要記住一點：科學理論是只能證實，不能證偽。請好好記住這句話。 例如，無人可以證明這個世界上無鬼。因為科學家都承認，人類所知的只是宇宙萬有極少極少的一部分，人類是無知嘅。既然係咁，我們只能說：我們不能證明鬼魂存在，但無人可以證明鬼魂不存在。但無人可以證明不存在，不等於存在。咁簡單的邏輯關係，唔知道香港啲大學嘅講師明唔明。 質疑動機就係咁弔詭。無人可以證明自己心中無鬼，我無辦法向阿婆證明我從沒有趕她走的動機，也無辦法證明我從無強姦公司靚女同事嘅動機。如何證明啊？但哪怕我有動機，但無做，咁又如何呢？動機必須與行動結合，你才能說三道四。在科學邏輯上，這叫只能證實不能證偽；在司法上，這叫無罪假定，疑點利益歸於被告。請問Ben Sir，你有無證據證明政府有推行「去粵語」的動機呢？證明唔到就係無事，政府就毋須回應，因為政府無可能證明自己無。只是一篇學者文章入面的一句話，你鍾意質疑就質疑到飽囉。 其實香港市民對質疑動機應該非常熟悉了吧。泛民的萬能Key就係呢招，萬試萬靈。高鐵，中央係咪想運兵來香港啊？國歌法，係咪想收窄言論自由拉晒我們去坐監？融入大灣區，係咪想香港空心化然後大換血？全部係質疑動機。無錯你可以質疑，但如果只是質疑動機，你不能太認真，否則會精神病。剛剛有個同事給我一個蘋果，我其實內心都質疑他係咪想毒鬼死我，但我忍住無去講，因為我無證據。 現在香港個遊戲完全反智，是要求政府證明無呢個動機，否則就唔好做，這是不可能的任務。正確的邏輯應該是：除非你證明到有問題，否則就去馬。

如對他人行文字獄

香港最獨裁嘅力量，莫過於所謂嘅泛民、黃絲。他們自己講嘅嘢，就是無遠弗屆嘅言論自由；而對其他人講嘅嘢，就實行文字獄，無限質疑動機。這就是文字獄的做法。最經典的文字獄Case是什麼？清朝有人吟詩「清風不識字，何事亂翻書」，招致殺身之禍。這就是典型嘅「質疑動機」，你係咪影射我大清王朝無文化啊？如果動機可以不與行為相結合就可以入罪，我保證，我都可以判所有人死刑。重複：在沒有實質行為支持嘅情況下，隨意「質疑動機」，這就是文字獄。某些人，對自己就將言論自由無限放大；對他人就行文字獄。真暴力也！ 最後，我歡迎所有人質疑我寫此文嘅動機，最好質疑到日日失眠、心神不靈，繼而憂鬱自殺。死啦！我咁講法，唔知有無人質疑我嘅動機是要毀滅人類添㗎，使唔使判我犯咗反人類罪行呢？都話咗，動機呢家嘢，係可以無限質疑嘅！黃絲們，咁質疑法，你們很快神經衰弱。 作者： 時事評論員 「就是敢言」計劃成員 林暉 原圖：文匯報、無綫新聞截圖、歐陽偉豪Facebook https://www.facebook.com/benjaminauyeung/videos/10156001805788429/ http://paper.wenweipo.com/2014/08/29/HK1408290014.htm

投票已截止，多謝支持