昨日多明尼加宣佈與中國建交，同時宣佈與台灣斷絕外交關係，剩係聽到已經覺得好笑，但原來事情唔單止係咁，有報道稱，為穩定邦交關係，台灣喺舊年捐贈總值高達3500萬美元嘅軍事援助畀多明尼加，而多明尼加喺今年3月收到所有援贈後，就宣佈與台灣斷交，台灣今次真係賠了夫人又折兵！

多：同中國建交仲好！

據報道指，台灣捐贈予多明尼加嘅軍總值3500萬美元，其中包括2架UH-1H直升機、100具發動機同90輛悍馬車，今年3月收到所有軍備援贈之後一個月，即係尋日，台灣就「被分手」，多明尼加隨即投入中國懷抱，總統辦公室法律顧問艾斯皮諾仲話，同中國建交更好(可按此重温報道)！畀人咁樣落面，蔡英文梗係死撐，話捐贈嘅軍備只係「到了要被淘汰的時間」所以先捐畀多明尼加，不過聽落就似乎酸味甚濃啦，唔知大家又點睇？

撐台獨有礙發展

其實真係唔好怪多明尼加好似好衰仔，佢咁做都無可厚非，皆因台灣要爭取國際地位同搞台獨基本上無分別，承認台灣係國家咪即係直接同中國作對？世界上除咗侵侵條傻佬之外有邊個會咁做？放棄台灣，擁抱中國先係出路！

原圖：大公報 http://www.takungpao.com.hk/taiwan/text/2017/0503/78637.html