泛民一直咬住前特首梁振英的UGL事件就係人都知，以此撲水嘅民主黨「天下為公」籌旗計劃居然撲到200幾萬。有見及此，民主黨梗係唔放過呢個機會，一於搞大佢，揚言會在英、澳、港三地跟進UGL事件，仲成立「天下為公計劃管理委員會」，邀請到公民黨主席梁家傑等人一齊監察款項的運用。不過佢哋請親嘅都係自己人，真係監察到咩？

梁榮登撲水會成員

嗰頭撲到水，籌旗委成員之一梁家傑就與同黨的黨魁楊岳橋準備前往美國。梁家傑話，香港回歸後，美國理香港少咗，希望呢次行程可以引起美國興趣喎，又會呼籲美國平日要為香港發聲云云。呢個時間點去美國，唔知佢係唔係用「天下為公」嘅錢呢？又唔知佢係唔係以呢單嘢邀功想美國射多啲水來？抑或想用美國本身已經黑得冇得再黑嘅黑手查UGL事件咁搞笑？ 楊岳橋就話想同美國官員求情，希望中美貿易戰唔好波及香港。楊大狀個邏輯都幾神，難道佢真係以為美國唔搞香港，香港就會冇事？中港關係密切，唔通中國有事，香港可以獨善其身咩？ 原圖：大公報、楊岳橋Facebook Page http://news.takungpao.com/hkol/topnews/2015-09/3172478.html https://www.facebook.com/AlvinYeungCP/

投票已截止，多謝支持