行管會放棄追討DQ4達1,200萬薪酬，反而畀長毛梁國雄鬧餐懵，仲要被四個「已完」掉番轉追立法會去年七月嘅議助薪金同遣散費，簡直係恩將仇報！素來敢言敢做嘅王國興當然睇唔過眼，係《東網》撰文鬧爆行管會嘅決定喺法、理、情三方面都唔符合，直言若果政府「怕難避事只會輸收尾」！

王：行管會決定有違法理情

王國興認為，在法律角度，根據法庭判決DQ4被取消議員資格嘅日子早於立法會第一次開會宣誓當日，所以DQ4從來冇一日係議員，既然唔係議員，就根本「唔應該有糧出」。而在法庭取消四人議員資格後，在政府已表明要追討4人薪酬既情況下行管會作出不追討嘅決定猶如「將市民千二萬血汗錢掟落鹹水海」，所以放棄追薪嘅決定極之錯誤。王國興仲喺文章最後憤然疾書，鬧爆政府近年施政顯得甚為怕事，實質是「避」，更加警告政府若然怕難避事，最終只會輸收場、輸收尾。

強硬起來才是出路

王國興講得實在太好，正所謂「怕字當頭行事難」，因為怕輸而不作為甚至委曲求全，放生區諾軒，搞「大和解」，我們的政府到底甚麼時候才醒覺，只有強硬起來才是出路？繼續軟弱下去，香港遲早玩完！ 原圖：大公報 http://www.takungpao.com.hk/hongkong/text/2017/1127/129024.html http://www.takungpao.com.hk/hongkong/text/2016/0715/9298.html http://news.takungpao.com/hkol/jsxw/2016-01/3271708_wap.html

投票已截止，多謝支持