反對派最鍾意造謠生事，講到香港水深火熱、民不聊生，十足戰亂咁款，佢哋就最開心。話說由英國政客和香港搞事友組成的「香港普遍定期審議聯盟」昨日公佈有關香港人權狀況建議意見書，話香港人權狀況越來越差喎。小編心想，香港仲有自由畀你亂噏，仲唔夠人權？ 呢份意見書聲稱香港的人權狀況越來越差，舉嘅例子有港獨組織香港民族黨和香港眾志未能成功註冊；警方在處理示威時使用「過度武力」；英國政客羅哲斯(Benedict Rogers)曾被拒入境香港等等。意見書仲好叻叻教埋政府點做，話香港要一年內廢除所有《公安條例》第三部分有關公眾集會的條文，好畀佢哋有「和平集會的權利」云云。唔知佢哋嘅「和平集會權利」，係唔係雙學三子衝擊政府東翼前地嗰種「和平」呢？

拒獨友註冊先係負責任決定

民建聯立法會議員何俊賢話呢份意見書唔理解中國憲法、法制、香港《基本法》等，所以批評都唔符事實，例如香港民族黨同香港眾志都違反了《基本法》並與港獨有關，「政府沒理由容許非法組織攞正牌」，拒絕其註冊先係對國家同人民負責任嘅決定。 而對於警權問題，何俊賢話相比美國，香港係「太無權力」，觀乎佔中、旺暴裡，執行公職人員反而係常常被侮辱的一位，喪盡尊嚴同人權。何又指，如果呢啲團體似乎係想將社會返到原始社會、無政府狀態，人人為所欲為犯罪，咁係「未有充分權衡社會利益的不負責任宣言」，真係講出大家心聲。 原圖：文匯報 http://paper.wenweipo.com/2015/09/14/HS1509140006.htm

投票已截止，多謝支持