中美貿易戰究竟打唔打得成，呢個問題全世界都想知，但睇個勢有好大機會打唔成。點解？因為侵侵各大手下轉緊口風，美國財政部長姆努欽表示唔預期會發生貿易戰；華府首席經濟顧問庫德洛就話最後可能係和氣收場，話想要同中國認真討論，又表示希望中方會回心轉意云云。嘩！口吻轉得咁快嘅？淆底淆出面喎侵侵！ 可能因為見到中國來勢洶洶，華府官員知道唔對路，表示對中國設立嘅高關稅措施尚未正式實施，兩國爭端可以喺談判桌上解決。肉酸的是，特朗普星期日喺Twitter發文重申立場，口硬話中國將會貿易壁壘將被拆除，因為呢個先係「正確做法」云云，點知同一段帖又認親認戚，話同中國國家主席習近平係「永遠係朋友」（可按此重溫報道），又強調「兩國前途無量」喎，真係呵呵呵呵。
返回
