浸會大學學生會前會長劉子頎及中醫學系學生陳樂行因為不想讀普通話，竟然佔領語文中心，嘗試以圍兇爆粗辱罵的方式令校方屈服，其間一干人等更肆意侮辱職員。出得嚟行，遇咗要還，結果劉子頎及陳樂行分別罰停學一個學期及停學八天，前者的處分孰輕孰重，人人有不同看法，但後者實際上無需停課，頂多做吓社會服務咁，絕對等同放生。

死撐判決唔啱

可惜，一向口硬嘅陳樂行事隔多日仍不見悔意，極囂張地表明會提出上訴。他指校方的判決信電郵中，有嚴重的程序問題，不是基於事實云云。他還舉例指，信中提及「中心職員曾重複呼籲同學離開語文中心」，及他當時的手部動作「具威脅性」，皆不是事實描述喎。 陳樂行狡辯話，當時職員沒有叫他們離開，又認為手部動作是否「具威脅性」帶有主觀色彩，又自視甚高地批評校方判決前沒詢問過他與劉子頎，仲話係砌生豬肉。嘩，都唔好話一切有片有真相證據確鑿，佢咁大口氣，唔通判決都要問過佢，睇佢滿唔滿意先？ 原圖：有線新聞截圖

投票已截止，多謝支持