黃絲帶為反而反，乜都要覆核一餐，簡直係浪費資源。有所謂民間團體「JR團隊」召集人、港大法律系學生盧俊宇於去年初入稟高等法院，要求就西九文化區興建香港故宮文化博物館一事提請司法覆核。高等法院日前寄出判決拒絕其申請，換言之又係一場黃絲博出位嘅鬧劇！

唔死心揚言或上訴

但黃絲又豈會輕易放棄搞事，盧俊宇揚言會尋求法律意見，未來或會提出上訴，又稱申請司法覆核並非與政府對抗云云。據《星島日報》引述，盧曾表示會申請法援作為訟費(又想市民埋單…)。而「JR團隊」的顧問正正是最喜歡濫用法援浪費公帑的「長洲覆核王」郭卓堅，而盧俊宇本人亦係民主黨社區主任，關係巧合到呢，大家又明唔明？

唔通宜家啲大學生真係食飽飯冇嘢做，鍾意拎納稅人啲錢嚟玩？有書唔好好讀，學埋郭卓堅啲衰嘢，遲早冇運行！

原圖：Now新聞截圖、大公報

http://www.takungpao.com.hk/hongkong/text/2017/0105/51115.html