本來我對抽完政治水後專心搵錢的毛記上市是不太想發表意見的，畢竟在今時今日這個社會，「搵食啫」彷彿已成為一張暢行無阻的通行證。但是見到隻股票被人吹捧熱炒到這個地步，卻又忍不住問幾個問題。 首先，我睇勻全港報章雜誌媒體的報道分析，似乎沒有任何一個受訪者或分析員認真睇好毛記的發展前景，但點解股價被炒高咁多倍？

港交所容許毛記玩嘢？

再想，當一隻股票的表現脫離現實基本因素時，會不會有大鱷在潭底玩財技準備食人掠水？ 其實，釋除疑惑、加強公眾信心的正常做法，就是由老闆出來講清楚公司情況及未來發展計劃，但為什麼毛記的三位創辦人都三緘其口，反而派個無厘頭的Dickson出來見記者？ 當然你可以說無厘頭本來就是毛記風格，但港交所的「風格」又放到哪裡去了？當年港交所為了守規矩講原則而寧願放棄巨企阿里巴巴，為何今日就可以容許毛記亂咁來？

有很多不想答的問題？

為何一間利用公共平台集資的公司可以對記者（是財經記者不是娛樂記者）答非所問完全不用向公眾交代？是否有很多不想答的問題見不得光的內情？ 眼見成班財經記者被人當傻仔咁耍，一向「爭取採訪權捍衛公眾知情權」的記協點解唔出聲？ 再問毛記上市成焦點反映什麼？

反映香港真係好多白痴！

或許在Dickson的答題中有一句是真話，就是班黃絲帶支持者「從來都咁盲目睇好」毛記。 只要真係用啲腦從商業角度理性分析，呢隻股票邊可能咁多人認購邊可能炒高咁多倍啊？ 無腦+非理性=黃絲带，似乎就是促成毛記成功香港失敗的社會大環境？ 原圖：有線新聞截圖

投票已截止，多謝支持