如果獨友喺英殖時代搞港獨，究竟會有乜嘢好下場呢？戴耀廷高調出席「五獨」論壇，吹雞香港「建邦立國」，顯然過晒分裂國家的紅線。可惜的是，戴耀廷仍然輕輕鬆鬆咬住港大份糧也文也武播獨，皆因冇人革扯佢。對住戴耀廷有恃無恐，一向敢言的著名導演高志森也不禁慨嘆：「比著英治時期，佢肯定已經被驅逐出境了！」

革走戴耀廷刻不容緩

網民對高導所言深表認同。很多人固然再次發聲，促請港大革走戴耀廷呢件有獨學棍，以免他再有機會荼毒學子。也有人回帶港英政府的惡行，直言：「英國佬點會搞咁多嘢？只會將佢秘密拘捕無需審判關在摩星嶺政治部拘留所，精彩一世，或者索性人間蒸發，並下令香港警隊不得立案偵查。」也有人建言「學西班牙政府，把搞分裂獨立份子全部收監判罪，最後主犯也在德國落網」。

西班牙辣手對付加泰羅尼亞獨立珠玉在前，泛民咁鍾意講國際標準，對付戴耀廷呢類宵小點可以手軟，一於拘捕佢，等佢人生變得更精彩﹗

原圖：HKG報、大公報 http://news.takungpao.com/paper/q/2017/0830/3488104.html