姚松炎以為自己係造神者 ，空降九龍西敗選後，泛民陣營一片哀嚎，淒淒慘慘戚戚，都唔知可憐定可笑！反對派繼續喪失分組點票否決權，以往的六四黃金比例也隨一片愁雲慘霧消逝了！泛民反對派呢排除了檢討再檢討，或者拉不出屎賴地硬，指馮檢基「拉票不力」，阿哥，你班無良反骨仔把基哥趕盡殺絶，技不如人，輸咗仲廢噏當秘笈，無品成咁，唔通真係X到盡頭當有型？

自視過高 衝昏頭腦

反對派輸咗九西一席，如喪考妣可以理解，一味推三推四便顯得面目可憎，連聽眾都睇到一向自以為是、自我感覺良好的朱凱廸，在選戰部署自視過高，而姚松炎的所謂「做錯好多決定」亦口唔對心，實情係佢因在初選大捷被勝利衝昏頭腦，根本聽唔到其他民主派中人意見。

「負責」只係口頭禪

反對派敗走九西，只會一味道歉鞠躬再道歉再鞠躬，然而，像朱凱迪便貓哭老鼠話自己有責任又開腔致歉。之不過，對反對派而言，所謂「負責」，實則輕於鴻毛，佢嘅「負責」，做吓騷吸吓睛，完全不必有實質意義，只不過是表示：話只能如此說了，呢個問題亦到此為止！如果佢嘅所謂「負責任」，就係鞠躬下台！當然，大家睇到反對派嗰副嘴臉，明明心中沒有基本法，明明潛意識反中亂港，可是為了入閘、為了當選做高薪厚酬嘅尊貴議員，真係連屎都肯食！佢哋心中根本無「誠信」兩個字，叫佢哋為失策失誤而下台，簡直比死更難受！

前輩指出，「我願意負責」這話已經成了當代的一種口頭禪；它有不再犯的意思，但到了今天，它的強度已成「語言的爛泥化」，是用來沽名釣譽的招數，是一種不痛不癢的空話，你要我負責，我就負責，so what? 是以，「我應負責」成了當今各類出了紕漏的公眾人物最愛使用的語言，你不必逼他講，他也會高興地自己搶來講。鬼咩！口話「負責」，又唔使本錢又不必引咎辭職，一如搞大人嘅肚又唔使要認係人哋嘅阿爹，世間事有如此過癮的嗎？

倒不如一錯到底

不過，「票王」即係票王，朱凱迪話姚松炎選舉工程「做錯決定」，整個民主派應負責！精得佢啊，集體負責唔通集體下台咩？咁多人經手，鬼知邊個錯！大家分攤衰嘢，減減吓就唔見咗啦！泛民勇於認錯勇於道歉，除笨有精！既然X到盡頭當有型！錯到盡頭就當有光環囉！

原圖：大公報 http://www.takungpao.com.hk/hongkong/text/2016/0915/24520.html