有人指出《曾國藩全集》幾百萬字，唯一和淫蕩沾邊的，就是寫給那個叫「大姑」的風塵女子的對聯：「大抵浮生若夢，姑且此處逍遙。」 筆者不才，只能以「失對」揶揄一下人稱「長毛」嘅梁國雄，未被DQ時在議事堂嘅劣行；叫囂、拉布、撒溪錢、抬棺材、搶文件等，已成為常態，在立法會內正正是「長此混吉下去，毛(無)髪(法)無天撤野！」

違法達義竟可逍遙法外

幸好如今長毛被DQ了，否則立法會議事堂必淪為「搶劫天堂，文件怒飛」的勝地。各位，勿以為筆者在吹水。二〇一六年在立法會一個委員會中討論横洲發展期間，眾目睽睽之下，長毛跑出座位，不由分說搶去時任發展局副局長馬紹祥枱上嘅文件，涉嫌違反藐視罪。日前裁判官嚴舜儀裁定有關藐視罪「不適用於議員」！換言之，長毛嘅劣行，又可甩難並逍遙法外！ 裁判官指出，要以立法原意審視17（c）條條文，而法例旨在保護議員表達其想法。若以該條例的藐視罪檢控議員，則有機會出現「寒蟬效應」，令議員不敢真心發言喎！筆者雖然讀書少，可也分得清「亂咁搶人手中嘅嘢」同「言論自由」，真係大纜都扯唔埋！筆者不禁仰天長嘯：我們活在一個邏輯混亂的年代，難怪「違法達義」會有市場，而反中亂港者竟然有好報！

香港重回冇王管年代？

言論自由同任意搶人嘢，只要是「立法會尊費議員」就可以有特權？咁搞法，立法會係「言論自由」下，成個立法會忽然回到以前嘅九龍城寨——無王管年代！唔好話搶高官文件，發展下去，搶手機、銀包都得，甚至拳打腳踢你都得，「言論自由」萬歲！如此「乾淨俐落」，難怪小學雞政客死都要參選立法會議員，而被DQ嘅「已完」亦處心積慮想重返議事堂，原來除了高薪厚酬，還可以化「言論自由」為粗暴搶嘢肢體行動，仲有司法保護傘，世上還有比在香港做議員更過瘾的筍工嗎？ 有網民不禁發出讚嘆：長毛真係有特權，告佢咩都告唔入。佢真係神。 咁又係，做議員時月入十萬都可長住公屋、收黑金又冇事，連入冊都唔洗剪短頭髮⋯⋯唉！誰是造神者？鬼叫長毛命好，「言論自由」都為佢賦以新義，生長在一個邏輯混亂的福地——香港！ 無法無天撒野，竟結「乾浄俐落」之果，「諸行無常」，信焉。 原圖：梁國雄Facebook https://www.facebook.com/longhairhk/

投票已截止，多謝支持