區諾軒講大話講上癮？昨晚立法會港島區補選論壇上，區諾軒兜口兜面對住自己張相，都可以話唔係自己，企圖唔認自己燒過《基本法》，當然係瘀到爆。咁都未算，今日陳家珮Fact Check，再踢爆區諾軒於論壇聲稱自己持守自決信念，並支持一國兩制，原來竟曾對民主黨不支持港獨而失望。講大話唔眨眼，區諾軒個鼻真係長到加零一。

陳家珮在Facebook發帖，大數區諾軒「前言不對後語，口是心非，誤導選民」。區諾軒除了被踢爆口說撐一國兩制，實質是長期撐自決暗獨外，陳家珮更批評他無視法庭就DQ獨友陳浩天案的判詞理據，噏得就噏，老屈當局是「亂咁」DQ候選人，實情是DQ獨友法理情兼備，人人讚好。

區諾軒噏得就噏 最愛老屈？

當然，區諾軒是不會認衰的。明明自己當眾講大話，區諾軒卻在Facebook發帖，指責陳家珮「拿出一張難以辨認的照片，嘗試質疑我是否擁護基本法。該幅相片一時之間難以辨認，我亦因此一時無法準確說出相中人是我與否」，繼而大罵媒體批評他，「誣衊我缺乏誠信，欺騙選民」，講到自己相當可憐。不過，網民的眼睛是雪亮的，有人留言批評區諾軒：「有證有據都叫抺黑，呢啲咪叫語言偽術。你條友唔係身有屎，使鬼解釋咁多野咩！你真係影衰香港人。」說得擲地有聲。

像區諾軒這種公開場合大話連篇、歪理百出的人，竟也可以成為黃營、暗獨的代表人物，市民怎能不失望？陳家珮直言，「我相信選民的眼睛是雪亮的，不會投票給帶頭破壞法治的候選人」，實在說出很多人的心聲。

已報名參與港島補選尚有任亮憲及區諾軒。

原圖：Now新聞截圖