律政司司長上台以來，正式係櫈都未坐暖，就急急腳放生佔中主要搞手及「黑金」金主黎智英及多名反對派政客；反而盡忠職守的七警和退休警司朱經緯，因為在佔中執法變犯法；隨之而來的，就係終審法院又放生「雙學三犯」。難怪有學者擔憂，咁搞法，「違法達義」的上千名非法佔領人士，可能有機會逃過法律制裁。香港的法治核心，傾頹必矣！ 事實上，政府所做的一切，確實與大多數市民所祈盼的有相當大的落差。有乜理由反中亂港永遠走在最前線的黎智英可以逍遙法外，難怪佢開心到立即大宴反對派，觥籌交錯，不知幾咁風騷！而雙學三犯率眾暴力衝撃政府東翼前地，引發為期七十九日的佔領之亂，三被告在區域法院只被判社會服務令及緩刑，律政司雖然上訴後，三人分別被判入獄六至八個月，但日前終院又判三人上訴得直，毋須入獄。盲嘅都睇到，朱經緯連申請保釋等候上訴都被拒，而雙學三犯備受厚待，事實證明，法律面前，反對派、黃絲在法律面前，永遠高人一等！香港的司法制度，傾頹不公不義至此，認真令親者痛仇者快！

香港法律面前 黃絲高人一等

市民的眼睛還是雪亮的。最近港大民意研究計劃公布的民調，結果顯示法庭公正程度下跌至6.54分，為近年新低。其實係意料之內，你睇吓「河童」黃之鋒，在保釋期間仍然暴力衝擊立法會補選人簡介會，佢被逐離場時，不忘聲嘶力遏大罵選舉主任：「香港仲有制度，馮驊你一定會後悔。我哋入唔到議會，仍然會繼續爭取民主！」 唉！多少暴力衝突罪行，假民主之名而行之！香港若然有呢啲咁不知所謂嘅「諾貝爾和平奬」候選人入到議會，擺到明劣幣驅逐良幣，乃香港議會的大不幸，香港市民的大災劫！大家都睇到香港眾志的一班政治小學雞，羅冠聰未被DQ前，其秘書長黃之鋒、常委周庭都係佢嘅兼職政策研究員，其餘如常委林朗彥、社區幹事黃莉莉亦為羅冠聰的議員助理，羅冠聰被DQ後，「香港眾志」一班政治小學雞的財政自必大受影響。明乎此，佢哋要入議會之心不死，黃之鋒激烈的呼喊「我哋入唔到議會，仍然會繼續爭取民主！」講真，應該係「我哋入唔到議會，仍然會繼續爭取銀紙！」唯有多啲舉辦遊行示威，多啲擺街站，厚著臉皮叫市民多啲捐錢喇！

唔好意思 我信法律唔信法官

你哋班小學雞爭入議會係為咗拿政府資源，亦即納稅人啲錢來搞搞震，係為咗搞所謂「民族自決」而想方設法入議會，入議會不是為了議事論事，更有效的監督政府做實事，而只是為一己之私而想入議會。咁嘅思維，你估啲選民唔通真係一世盲嘅？有裁判官曾話佢哋「滿腔熱誠非為私利」，筆者只能乾咳三聲：唔好意思，我信法律，唔信法官！ 信「河童」黃之鋒廢噏，我知道我一定會後悔！ 原圖：無綫新聞截圖、周庭Facebook https://www.facebook.com/agneschowting/

投票已截止，多謝支持