作為中國一部分，香港人認識中國國情，學習國民教育，本來係天經地義。但以黃色教協為首的泛獨份子吸獨吸上腦，成日拎住「洗腦」兩個字炒作，查實佢哋自己個腦先應該要洗一洗先啱﹗

國民教育事作必行

日前國家教育部部長陳寶生喺訪問中講到港獨思潮同香港教育有關，認同教育局局長楊潤雄所講，「國民教育一定要做」。教協立法會議員葉建源無聊到執住呢番說話大造文章，話咁係干預香港內部事務云云。

以攻擊國教為武器

民建聯立法會議員葛珮帆睇唔過眼，喺專欄鬧爆無恥嘅教協同葉建源。她引用外國學者Ramirez同Boli-Bennett嘅研究，指出憲法中有訂明國家有義務提供國民教育嘅個案，超過130個，反映國教絕非洪水猛獸，而係理所當然。 可惜，偏偏有班政棍就以攻擊國民教育作為武器，而教協不止不正確引導師生認識自己嘅國家民族，仲將國民教育不停醜化，講到好似妖魔鬼怪會食人咁，誤導大眾巿民同學生。

青年應多認識國情

近年港獨思想喺年輕族群中散播，其中一個主因，正是年輕人對國情認識不足，因而被「有心人士」睇中，不停以錯誤嘅訊息同歪理去誤導佢哋，令佢哋作出種種與國為敵嘅言行。

目光如鼠畫地為牢

葛珮帆仲提到，中國國際地位舉足輕重，連外國人都爭相學習中文、認識中國文化，偏偏香港就有人唱反調，呢啲人可謂「目光如鼠、畫地為牢」。 要知道，了解國情是競爭優勢，但教協等衰公就教人放棄優勢，遮住雙眼去看世界，簡直就係累人累物，害己害人！ 原圖：無綫新聞截圖、葛珮帆EQ官方頻道 https://www.youtube.com/user/DrElizabethQuat  

投票已截止，多謝支持