「雙學三犯」入獄，「河童」黃之鋒、羅冠聰、周永康不斷叫人遊行聲援他們，又叫一班激進反對派包括所謂本土同自決派要同泛民一齊團結云云。其中，與三犯感同身受、官司纏身的社民連「長毛」梁國雄講最有喜感，竟說「聽日(今日)唔去(遊行)都可以收皮㗎喇！」小編倒是覺得，長毛官司纏身，其實佢去唔去遊行，都可以收皮㗎喇﹗係咪？ 昨日，長毛擺街站籌旗，不過冇乜人理。長毛先開拖串自己友，大大聲講提倡勇武的激進派很久沒有現身，又話睇唔到有人願意以武制暴，無領袖去承擔下只是空頭政治。講講吓High得滯，長毛還說「聽日(今日)唔去(遊行)都可以收皮㗎喇！」

泛民激進派各懷鬼胎

事實是，一班打著爭取民主旗號的反對派各懷鬼胎。以衰到貼地的民主黨為例，他們講到出口話在而家的選舉制度下，唔同政團都鬥得好犀利，其他民主派都在搶選票，所以真心結團先有用。小編用人話翻譯：民主派個個都謀住補選議席，你想真團結？畀咗個議席我哋咪有得傾囉﹗ 長毛也一樣，口說唔去遊行可以收皮，但遊行的作用是甚麼？不就是為尚未坐監的一眾泛民政客打氣兼谷人氣籌旗嗎？受益者肯定包括長毛本人﹗探監、聲援在囚的三犯只係順手。泛民團結云乎哉﹗呵呵﹗不過，肯肯定的是，成身官司的長毛，分分鐘係第一個收皮！ 原圖：長毛Facebook https://www.facebook.com/longhairhk/photos/a.79833563252.78031.10795878252/10154877129413253/?type=3&theater

投票已截止，多謝支持