公眾早就知道，反一地兩檢是泛民領銜的年度大片，只不知原來此片不是劇情片，而是低俗喜劇。民主黨涂謹申反一地兩檢赤膊上陣，但搞鬼的是，3月時他還說一地兩檢在法律上和技術上都可行，現在忽然話一地兩檢違反《基本法》，似足思覺失調。但著名導演高志森形容更妙，他恥笑涂患上「無定向喪心病狂間竭(歇)性腦機能失調」。 高導昨日些牙了「波哥」陳健波揶揄涂謹申反一地兩檢一時一樣「兜唔到」的短片後，便在留言串爆「涂係不折不扣嘅『無定向喪心病狂間竭(歇)性腦機能失調』」。

網民︰糊塗申連噏過乜都唔記得？

有網民見此笑言「其實成班犯聞(泛民)都有這病」，可謂一語中的。亦有人批評：「糊塗申連自己噏過乜都唔記得？？？反口復舌真小人﹗」更有人好心勸涂謹申咁辛苦留喺香港做乜：「連你屋企所在地都屬中央，你仲唔移民！」 愛睇港產片的朋友都知道，「無定向喪心病狂間歇性腦機能失調症」，語出周星馳領銜主演的經典笑片《家有囍事》「無定向喪心病狂間歇性全身機能失調症」。該病病徵為抑鬱、癲癇、精神分裂、輕佻驕傲、無大無細、有犯罪傾向、月經前緊張……究竟涂謹申有幾多樣，小編就唔多清楚喇，但肯肯定佢反一地兩檢反到喪心病狂，有冇得醫，真係唔知。 原圖：HKG報、無綫新聞截圖、《家有囍事》劇照

投票已截止，多謝支持