自從「長毛」梁國雄、羅冠聰、劉小麗、姚松炎宣誓玩嘢被DQ後，他們變得比平時更加活躍，特別是梁、羅、劉3人，經常擺街站「乞錢」，鬧政府反而淪為「副業」。不過，有心水清網民質疑，這班人涉嫌無牌在街頭籌款，呼籲大家「見一次，報一次警」。 眾所周知，四已完輸掉DQ官司，要籌錢畀訟費，但一嚟就獅子大開口要500萬，還大想頭想搵埋回水給立法會的部分。講真，不同「基金」籌錢畀佢哋，佢哋又各自以自己名義企街籌旗，都咪話唔亂。因此，不少人質疑，究竟有幾多錢落入佢哋口袋？又有幾多錢真的用在原有捐款目的？怕且只有四已完才清楚了。

「騙徒手法，層出不窮！」

黑箱成咁，實在不能怪網民有質疑。有人認為：「(籌款)有無攞牌㗎？咁募捐得唔得㗎？捐咗啲錢，點用？有無高透明嘅開支公佈(布)？少一樣都唔好捐。騙途(徒)手法，層出不窮！」擺明一啲都唔信四已完。有網民講得更直白：「見非法募捐立即報警，見一次報一次！」 四已完明明自己宣誓玩嘢，因而衍生的法律、回水等開支，理應自己承擔，但這幾條友不自己孭番，反而不斷籌款，企圖將自己的白痴帳「轉介」給支持者。更荒謬的是，這班衰公衰婆有可能是無牌在街頭籌旗。所以話啫，網民對四已完有揣測，唔係冇道理㗎﹗ 原圖：無綫新聞截圖

投票已截止，多謝支持