繼劉小麗日前率先表明會乖乖撤出立法會議員辦公室後，她的DQ親密拍擋「長毛」梁國雄亦死死地氣回議辦執包袱，「執嘢走了」。不過，可能因為做了13年議員，而且薪高糧準福利好，所以長毛唔多捨得，還揚言「I will be Back」。Be Back就多謝夾盛惠喇，市民只希望你走咗之後以後唔好再返嚟咋﹗ 法院DQ長毛、劉小麗、羅冠聰、姚松炎後，立法會方面隨即劃下死線，要求四已完在兩星期內交還立法會內的議辦。雖然劉小麗早早話過會搬，但未見行動，反倒是長毛最先郁手，帶同一堆助手去其位於立法會大樓10樓的議辦執嘢。

市民樂意幫拖 只求你早一秒滾出立會

有過搬屋經驗的人應該很清楚，執嘢總是辛苦的，何況長毛盤踞立會13年？長毛執執吓嘢，忽然360度轉圈，全方位拍攝議辦的每個角落。見人如見議辦，長毛形象向來不修邊幅，他的議辦也是亂糟糟，雜物如紀念品、書籍、示威道具等非常多，他也預計要好一段時間才能執好包袱鬆人。講真，如果長毛開到聲，全香港市民都好樂意幫你執，只求你早得一秒得一秒滾出立法會。 DQ4人前人後都聲稱莫財，所以時時刻刻勸人課金幫拖，長毛亦不例外。他勸支持者：「大家飲少杯凍飲，每日慳幾蚊，月捐一百幾十，就撐社民連繼續抗爭落去，好簡單㗎咋。」聽落就係囉，可惜長貧難顧，長毛閣下日日新新鑊鑊甘，不時惹出各種各樣的麻煩事，試問支持者幫得你幾多次？有事就搵粉絲籌旗幫拖，有威就自己一個人攞，似乎衰咗㕷啲喎﹗ 原圖：港台新聞截圖、梁國雄Facebook視頻截圖 http://news.rthk.hk/rthk/ch/component/k2/1342397-20170716.htm?archive_date=2017-07-16 https://www.facebook.com/longhairhk/?ref=ts&fref=ts

投票已截止，多謝支持