DQ4自成為已完，日日就同人「講金唔講心」，口中除了錢，也是錢，時刻乞錢，十足大種乞兒。眼見呢4位乞兒左撲右撲，有人就獻出一條妙計，呼籲非建制派全體議員由8月起，捐出所有薪津畀DQ4打官司。嘩嘩嘩！呢條絕世屎……好橋，連著名導演高志森都讚好，又唔知一向狗咬狗骨嘅泛民捐薪成仁，棄津取義？

高導建議捐足一年

近日，網上流傳一張呼籲非建制派捐薪津圖片，仲話借此支持DQ4打官司，直至高院上訴庭、終審法院，甚至打到人大釋法喎(雖然人大已一早釋法……)！ 對於呢個咁啜核嘅建議，高導非常欣賞黃營「智將」有如斯諗頭。按立會尚有26位泛民議員，每人月薪9萬元，倘悉數捐出，只是一個月已有逾200萬，更何況尚未計津貼！ 有網民留言，「係囉！咪話反對派好團結嘅咩！大家唔出三個月糧啫！唔係咁都唔得下(吓)嘩？」高導見此，再來一個神回︰「三個月糧唔夠完成任務，不能半途而廢，至少捐一年啦。」

大種乞兒會倍增？

真係世事都被高導看透，如果DQ4係咁打官司，又係咁輸，相信真係要泛民捐一年薪津先拆得掂訟費。唔知到時會唔會多成廿幾個大種乞兒，喺立會咪兜前乞錢？不過都係嗰句，泛民肯捐先算喇！ 原圖︰HKG報、大公報、高志森Facebook http://www.takungpao.com.hk/hongkong/text/2016/1130/42592.html https://www.facebook.com/204990132851647/photos/a.206303996053594.65210.204990132851647/1848883158462328/?type=3&theater

投票已截止，多謝支持