四個已完一鑊熟，大家懷住興奮嘅心情食花生舉杯慶祝。不過，著名導演高志森已經比常人睇遠好多，只見他在Facebook留言話「好有期待！」一語激起千重浪，唔只而家有好嘢食，而且DQ好事陸續有嚟 ，你話粉絲點會唔開心Share同留言呀﹗

「放過佢都唔會多謝你」

一向非常親民嘅高導同網民有好多互動。有網民話唔好去咁盡怕反彈，但高導認為問題並不簡單，「這是敵我矛盾與人民內部矛盾的分別……如何判斷是政治智慧。」有網民話，「現任特首話冇打算DQ議員。」高志森就話，「 林鄭唔做，唔等於冇人做吓話，咁多『覆核王』、法援處(署)咁多錢……」高導更指出，「任何市民都可以DQ嘅啦，用返佢哋條司法覆核橋……」 當然，希望DQ一個都不能少的網民梗係想斬草除根。有人說，「記住你放過佢，佢都唔會放過你亦都唔多謝你！」「呢種議員，一個都多﹗」有人追住鄭松泰唔放，話「点(點)都要踢埋走倒玩國旗區旗嗰位，完全係侮辱﹗﹗﹗」 有網民講得好啱，「咁多年嚟你對飯民好，唔代表佢會比好日子你過，好似林鄭咁對佢地釋出善意，但到頭來連委任一個副局長都被打壓。可想而知，對飯民善意等於對自己殘忍，林鄭唔出手，但終會有正義市民出手。」

市民對DQ4厭惡到極點

有人提醒建制派要趁修改議事規則，杜絕拉布，「你睇今日垃圾會個亂局，真系(係)要將佢他(哋)DQ埋佢，跟手改埋議事規則，唔俾拉布。再立埋23條法。睇吓班收美國黑金系(喺)度搞搞震班廢物重有乜技俩(倆)。」 小編見到網民的留言、高志森同網民的互動，深深感受到市民對這班反中亂港的所謂民主派、自決派人士已厭惡到極點！掃走四已完絕對未夠喉，期待陸續有嚟！ 原圖：HKG報、無綫新聞截圖

投票已截止，多謝支持