日前中學文憑試(DSE)放榜，六個狀元六個都話想讀醫，筆者不禁大笑三聲，遙想佢哋的確有遠見，香港病了，而且病得不輕！需要培育多些醫生。你看一城盡是病入膏肓嘅狂徒，演活「癲佬正傳」，不知是真儍還是中邪？好似人稱「黃衛兵」嘅黃之鋒，竟然以暴徒身份告警隊一哥！阿哥，唔通老鼠不單止唔怕貓，竟拍拍鼠膽，話要上山打老虎去！不讓武松威了這麼多年！

河童做騷向一哥索償

黃衛兵一身官司纏身，早前佔旺刑事藐視法庭求情待判，家陣竟然發高燒般來招「魚死網破」，天靈靈 ，地靈靈，我需要錢打官司，最近籌款又唔理想，一於博一博，也許單車變摩托，去小額錢債審裁處向警隊一哥盧偉聰索償四點五萬元。得之，我幸！失之，我命！之不過，又可以吸睛做騷，輸贏都冇壞。外媒《時代》雜誌曾吹捧面冇四両肉嘅佢為「THE FACE OF PROTEST」，可惜呢付所謂「抗爭的面孔」，不但冇令佢成為「革命家」，反之，因其言行不一又怕死，絕食要飲葡萄糖水，出到外稍遇挫折嚇到鼻哥窿冇肉，在香港就也文也武，從此為佢贏得過街老鼠、人人喊打嘅殊榮！再在爛果報嘅推波助瀾下，黃衛兵便以為自己憑此顏值，胡作非為，公然挑戰法律，不顧一切破壞社會秩序等等，都有了免死金牌！「抗爭的面孔」經常扭曲，盡情演繹：人的一切痛苦，本質上都是對自己的無能的憤怒！ 黃衛兵自己戇居，七一回歸前，屢次佔領金紫荊雕塑，又圍之黑布又做「擒獸」(爬高至雕塑頂)，全城嬲爆要勞動警方介入。家陣黃衛兵竟如中邪般話要「素償」，其中仲有所謂「懲罰性賠償」，如此轉移焦點的出位，你以為就可令香港大多數市民忘記你嘅劣行嗎？黃衛兵嘅強盜邏輯加野蠻哲學，睇怕點只係「抗爭的面孔」，直情發錢寒至活在一個妄想嘅虛擬世界——末日降臨，喪屍橫行！

葉建源歇斯底里倒蔡

香港已經去到一個癲佬圍城嘅恐怖境界，自己無能一味抹黑有心有力有作為嘅人才，好似「六呎四吋履歷」嘅立法會議員林卓廷，話人哋唔夠資格做民政局副局長，最好笑話人哋嘅學術論文大量引述馬克思主義理論，於是質疑人家是「共產黨員」，呢啲咁狗屎垃圾嘅廢噏，虧佢仲有顏面做代議士！唉！六呎四吋嘅履歷，三字記之曰：高大衰！ 講開仲有嗰個葉建源，反對蔡若蓮做教育局副局長，一味以政治立場排斥異己，其歇斯底里比之「電腦狂暴症者」有過之而無不及；所謂「電腦狂暴症者」指由於極度憤怒或沮喪，對着電腦罵髒話或喊叫，猛撃或扔掉鍵盤鼠標發洩；今葉建源則極盡詆毀蔡若蓮，又聯署又招來民主派喪屍般圍攻，又有教協會長馮偉華話要吹雞叫逾九萬六千名會員反對蔡若蓮的傳聞任命！ 大家睇到香港變成野蠻城市，一眾反對派變得人鬼難分，嘴臉扭曲至比妖獸更妖獸！香港有病，看來培訓神經腦外科醫生都冇用，培訓天師好捉妖較實際。 原圖︰無綫新聞截圖

投票已截止，多謝支持