邊個話副局長機會不是屬於我的？人哋唔畀我做，我自己都可以做﹗好打得特首林鄭月娥剛剛上任，立即雷厲風行地推出50億元教育恆常性開支，盡得各界歡心。由於能否通過撥款尚有暗湧，教育界出身的葉建源非常緊張，頓時化身自己好想做但做唔成嘅副局長，盡情為政府箍票。 眾所周知，傳統泛民尚算明白事理，但激進派如「長毛」梁國雄、自決暗獨派如羅冠聰及朱凱廸等當正林鄭係仇人，分分鐘發癲要Ban 50億撥款，或者夾硬拉布要林鄭做呢樣哥樣唔關事嘅嘢。

終可圓夢 不枉此生

葡萄源本來政績係無限近乎零，難得林鄭大嗱嗱50億塞入佢個袋，等佢可以攞正牌話自己成功爭取乜乜物物。若然被同路政棍阻一阻，自己分分鐘英雄變罪人，咁仲成世界嘅？可能因為咁，葡萄源立即副局長上身，出晒口術為教育撥款保駕護航，逼迫自己友快手快腳通過撥款。 早前路邊社瘋傳蔡若蓮蔡校長將獲邀出任教育局副局長，教育界議員、黃色教協代言人葉建源可能眼見自己上位無望，迅即葡萄上身，不斷無理抹黑蔡校長，至今攻勢仍然持續。今次葡萄源得償所願，過一過自封的副局癮，總算不枉此生吧？ 原圖：大公報 http://www.takungpao.com.hk/finance/text/2016/0907/22493.html http://www.takungpao.com.hk/hongkong/text/2016/1028/34054.html

投票已截止，多謝支持