青年新政已完游蕙禎被DQ後，不單止欠立法會一大筆錢未回水，而且官司纏身，隨時破產。可恨的是，慣咗無恥嘅游已完賴死唔還錢，仲死心不息謀劃補選大計。為此，她頻頻爭取曝光，又話被DQ後搵唔到工靠積蓄度日，七一遊行又鬼祟插入隊伍圖謀搞事。不過最近一張相出賣了她。 話說一位獨立影記者在Facebook發了她在屋企的「床照」——在床上接受訪問的照片。相中顯示，游已完屋企又大又靚，梗係惹人葡萄啦﹗網民馬上起底，在租屋的網站發現游蕙禎住的屋月租盛惠2萬大元。講真，唔提有錢人，只講中產，2萬銀租屋住好平常啫，但游蕙禎係無業垃圾遊民，靠咬積蓄度日，月月揈兩皮嘢，佢嘅積蓄都幾豐厚喎，究竟有乜路數咁搭水先？

「艷星才在床上做訪問」

欠下分分鐘上千萬嘅官司錢仲可以住靚屋，就是賴死唔還錢，唔係無恥係乜嘢？連自號城邦派國師的陳雲都忍唔住揶揄：「游小姐在艱苦營造港獨派乃至本土派的形象，給大陸人及國際社會觀看。這份工，真難為她去打。」 網民紛紛狂轟：「公平咩？住得起唔會窮阿麻(呀嘛)，仲叫我地籌錢比(畀)佢住酒店！？」有人恥笑游已完曰：「我只見過艷星才在床上做訪問。」有網民講得好絕：「無錢做散工同我住酒店，又串嘴話無地方扑野，結果佢租住酒店玩百人斬都得。」更搞笑的是，有人惡搞已故歌手梅艷芳《飛躍舞台》一曲的歌詞，發有聲Post：「在床上我覓理想！係要找到理想，一於要臥在床上，換個嬌姿模樣，終歸會聲威再響……」 乞人憎嘅人通街都係，但衰到左中右齊齊插齊齊恥笑的，怕且除咗游大已完之外，只有佢嘅孖公仔梁頌恆梁已完喇﹗ 原圖：Bill H. C. Kwok Facebook https://www.facebook.com/billyhckwokphotojournalist/photos/a.1549538351784432.1073741834.751658741572401/1549538651784402/?type=3&theater

投票已截止，多謝支持