傳統上，七一遊行是牛鬼蛇神蒲頭博上鏡的上佳日子，低能辱國辱華被DQ後潛水了一段時日的游蕙禎亦不例外。 昨日下午3時許，有眼尖的記者發現一身白T配牛仔短褲的游已完混跡在遊行隊伍中。本來游已完見狀掉頭閃人，但轉個頭又被記者發現。避無可避之下，游已完惟有答了幾句。她聲稱參加遊行，「只是為了『觀摩』街站籌款運作」，又話只想低調遊行，唔想上鏡，所以走先，搭的士去也﹗

咁霉仲有錢搭的士？

自從被DQ後，游大已完既欠下立法會及納稅人一大筆數，又有一堆律師費帳單等住佢找，而且臭名遠播的她去到邊衰到邊，至今尚未找到工作，連散工都冇，要靠積蓄度日，淪為只能在社交媒體發噏瘋過日辰的鍵盤戰士。 有記者估計，游已完「觀摩」人哋點籌款，偷偷師，為自己日後籌旗鋪路。小編冇諗得咁複雜，只係記得肚仔餓時，行過食肆門口都會「觀摩」一下，睇咗當食咗。唔知游已完係咪見到人哋籌旗能力勁過自己多多聲，一路「觀摩」一路流口水太過肉酸，所以早早閃人呢？但話時話，窮到好似佢咁要靠積蓄度日，小編就唔會搭的士囉，除非有條不知名嘅大水喉射住啦﹗ 原圖：無綫新聞截圖

投票已截止，多謝支持