宣誓辱華而被DQ、正面臨破產命運的青年新政游蕙禎和梁頌恆，接受黃媒訪問時語不驚人死不休。他們固然繼續死不悔改，揚言無悔當日宣誓辱華，又指計劃今年7.1有行動。哇，佢哋又想搞啲咩啊？好煩呀﹗收手啦好嗎？更搞笑的是，游蕙禎面皮厚過地殼，還好意思說要參加立會補選，收拾自己一手造成的殘局……小編認為，妳不如先收拾自己，如此所有殘局都唔再係殘局喇﹗

張揚七一搞事 又怕見光死？咁講嚟做乜？

游梁被問到今年回歸有咩搞作，梁坦言「實際嘅計劃諗緊，只能講到呢度」，又話「說不得」，費事「開口就死」，指「好希望畀到一個訊息香港又好，習近平又好」。游蕙禎就指「賣個關子」。佢哋兩個講啲唔講啲，又想人知，又怕人知，其實一句講到尾，咪又係宣傳伎倆！ 對於立法會補選，游蕙禎居然直言「條件許可，我梗係會返嚟啦」，指除去坐監和破產可能性，她認為自己有責任參加補選，「我覺得有責任出嚟收拾殘局。對於我嚟講，補選係一個殘局，而我自己的確有責任，無論用乜嘢方法，嘗試去整頓番」。佢自己本身咪係殘局囉，唔好講到自己咁「偉大」啦！ 原圖：無綫新聞截圖

投票已截止，多謝支持