本土民主前線發言人梁天琦日前在英國表示，本土派難再派人重奪立法會議席，現時最重要的是確保反對派能保住青年新政游蕙禎及梁頌恆被遞奪嘅議席，故倡本土派與民主派合作。講真，民主派唔好話冇司徒華咁嘅大樹，家陣想搵棵可以培養嘅幼苗都唔容易，個個好似中咗壹傳媒漢奸黎嘅蠱咁，為咗啲狗餅，冇咗自己靈魂，個個空洞咁做「人」，同民主派合作，盞趴街跌個狗吃屎！ 呢，好似民主黨主席胡志偉早前提倡「大和解」畀人插到蜜蜂巢咁，要即時回收言論並致歉，試想想民主黨主席混蛋到甚麼程度！黨主席尚且如此，其餘蝦兵蟹將可思過半矣！佢真係同本土派合作，你估會產生負負得正嘅效果咩？佢哋如果識計數，尤其本土激進派，就唔會輸到四腳朝天喇！ 梁天琦總算有啲自知，佢直言「成班都去晒坐監」，認為反對派已沒有本錢內鬥！講起都傷心，梁天琦話「現時不少年輕人為香港坐監，只望他們的付出不會白費」。嗱，衰咗再死撐，只會傷得更慘。「屠龍非世資，學問求自得」，意思是說殺龍的技巧再高超，也不是治世所需要的，做學問應求自己得到真才實學。呢班激進「勇」字派年輕人，飛磚投石怒飛向執勤嘅警察，公然破壞法治挑戰執法人員，搞到香港雞毛鴨血，筆者可以肯定佢哋衰戇居，佢哋要為自己的所作所為負責，梁天琦自身難保，仲叫乜嘢付出嘅不會白費，笑話！出得嚟行， 遲早要還，躱過初一，避唔到十五也。

堂堂中國人唔做而爭做漢奸

本土派兵敗如山倒，一年前梁天琦還大言炎炎，指有信心本土派每區攞一席，一年後的今天，忽然哀鳴：本土派再難奪立法會議席。梗係，你估大眾選民真係白痴？本土派多人官司纏身，梁天琦如果還有本土夢，恐怕亦是噩夢連連！嚇到一褲都係。 「成班人都去晒坐監」呢句嘢確可圈可點。民國初年，嗰陣時嘅狂書生、真文人，好似林覺民、陳天華、譚嗣同、楊度等，他們為家國為人民，毅然以硬肩負重任，以強臂挽危局，不少更是拋頭顱灑熱血，其俠肝義膽驚天動地，為我民族譜下一闋闋壯麗史詩！今之激進青年，不讀書不明理又好作妄言狂語，靈魂空洞而愛胡言胡語，「成班人都去晒坐監」，堂堂中國人唔做而爭做漢奸，青年弱則社會弱，能不為香港明天悲乎？ 激進而狂，本土激進派嘅狂，係喪心病狂，有病要醫，唔係繼續狂吠亂噏無謂；真正狂得有底氣嘅，係聖人所謂嘅「狂者進取」，如當年嘅狂書生是也。激進本土派，唔該咪戇吓戇吓，搞到天怒人怨，最後落得「千夫所指無疾而終」，認真該煨！請珍惜生命，愛惜年華！如果命運能選擇，人生冇幾多個十年啊！ 原圖：有線新聞截圖 投票已截止，多謝支持