壹傳媒蝕近四億，創辦人黎智英馬上出手要將工作外判。老闆衰成咁，一班員工自然好唔服氣，《蘋果日報》即時新聞呢一兩日就以「外判爭議」為主題，連出多段新聞鬧爆肥佬黎、《蘋果》管理層，一於同呢隻衰公撐到底﹗ 小編隨意一數，已經找到好幾段批評壹仔外判的報道，包括「工聯會指極度失望：負責任企業不應單方面作決定」、「看淡行業前景？人事顧問指核心業務不能外判」、「《天天》前車可鑑 學者：冇咗獨家新聞唔需要睇你」、「退保公聽會聲討MPF 壹傳媒外判成反面教材」、「壹傳媒外判美術部惹爭議，職工盟批無情義促回頭是岸」。壹傳媒員工開足馬力全方位報道，奮力轟擊肥佬黎，給他的待遇同平時老屈CY的篇幅不遑多讓。

避重就輕 扮睇唔到？

可惜，這些都無法改變外判的事實，所謂外判「爭議」，只是員工一廂情願的天真想法，對唯利是圖的肥老闆來說，哪裡輪到員工爭議？《蘋果日報》當然不會讓一班即將「被創業」或者被炒的員工這樣放肆，今天扮好醜只出了一段「學者評壹傳媒外判制︰隨時無獨家新聞  指《天天日報》倒閉前車可鑑」，避重就輕，難道想扮睇唔到？果真如此，一向口掛新聞自由、民主人權的肥佬黎，似乎不當員工的意見是一回事喎。 講真，外判編採工作減低成本，顯然肥佬黎是希望延長壹傳媒的壽命，讓他繼續有地盤反中亂港，支持泛民亂港！但既然咁唔想做，又唔當員工係人，不如摺埋佢算啦﹗ 圖：大公報 http://images.takungpao.com/2015/0110/20150110073735725.jpg http://images.takungpao.com/2015/1229/20151229064852220.jpg

投票已截止，多謝支持