獲港台封為「鄭屎」的鄭松泰近日成為政壇熱話，秘密錄音流出之後形象插水，每個舉動都惹人注目！鄭屎近日爆出秘密錄音事件，引來萬民齊插，今日竟然就即刻扮無事於Facebook甫文話：「現在掛黑雨都救唔返，已經民怨沸騰，天文台sosad」。網民見到鄭屎扮無事出甫，都忍唔住轉發然後留言：「我對你Chung-Tai Cheng都好沸騰」，鄭屎依家「泥菩薩過江——自身難保」，竟然仲好意思抽天文台水？其實鄭屎應該將個甫改做「現在道歉都救唔返，已經民怨沸騰，鄭屎sosad」先啱！

林卓廷晒舊片抽鄭屎水

唔單止網民嬲嬲豬，連泛民議員林卓廷都「嬲」到抽鄭屎水。林於Facebook上載一條之前與鄭屎一同上電台的訪問片，恥笑鄭屎話幸好一早知「咩叫扮Friend」，留言：「見鄭松泰咁紅，回帶睇睇，我和鄭博士首次亦是唯一的電台訪問，好彩我一早知咩叫『扮Friend』，否則畀人當『白痴』！」網民見到，紛紛指泛民應該幫手支持建制讉責同DQ鄭屎！ 另一邊廂，反佔中律師陳曼琪就轉發《幫港出聲》的相關報道，再留言串鄭屎：「公帑用來付這樣的立法會議員，我們港人實在太可悲了。」鄭屎最近真係紅過明星，引起咁多人留意佢，認真巴閉！ 原圖：大公報、陳曼琪Facebook http://www.takungpao.com.hk/hongkong/text/2016/1112/37457.html https://www.facebook.com/twscmk/photos/a.840758262605488.1073741834.797377160276932/1588283504519623/?type=3&theater

投票已截止，多謝支持