近年激進的所謂自決派興起，來勢洶洶，嚇怕傳統泛民，割席都來不及。搞笑的是，民主黨前主席劉慧卿接受黃媒《蘋果日報》訪問，話自己一早就支持自決，《蘋果》更將推舉為「港獨之母」。眾所周知，自決派及本土派一直睇劉慧卿唔順眼，見到《蘋果》咁樣撥火梗係唔滿意，一眾支持者即刻狂插，鬧爆民主黨成日出賣香港，更有人說：「食屎啦你，而家邊個黨同自決派割蓆（席）得最快？」 據《蘋果》報道，劉慧卿自稱做議員前已經支持自決，回歸前已多次提出香港自決、全民制憲，但泛民冇人支持喎！講真，搬龍門一向是泛民的強項，她好似忘記了舊年8月仲割緊席話：「見唔到香港人想我哋去咁做（自決）.....但如果有新人有啲嘢想去爭取，佢哋係有咁嘅自由」。現在忽然講自己是自決，自決派網民當然唔受啦，馬上翻她舊帳，幫民主黨數數簿，力數她們曾經走入中聯辦，之後支持政改方案；亦有人用她的說話來造句：「依家睇返......我直頭支持康有為添。」

「肥佬黎幾時推出每日笑話？」