【HKG訊】入境處早前上門執法，有數名在Hidden Agenda表演的外國音樂人懷疑無申請工作簽證被捕。泛民趁機批評港府打壓，民主黨副主席羅健熙點名5個演藝團體聘用「懷疑非法勞工」。不過被點名人士不僅全部有申請工作簽證，其中一位更是香港人，羅健熙卻死撐，話「大家都知我呢個係政治行為，係回應入境署針對 Hidden Agenda 的舉動」喎，結果被網民留言斥「無聊」！羅健熙今勻抽水真抽著火水了！ 羅健熙前晚在其Facebook專頁附上題為「做個好市民，向入境事務處處長舉報懷疑非法勞工」的電郵，表示留意到有非本地人士進行收費表演活動，懷疑他們未持有效工作簽證，要求部門果斷執法，打擊懷疑非法勞工云云。 被羅健熙點名的，包括廣東歌舞劇院的《沙灣往事》、「法國五月」節目及郭小青獨唱音樂會等。上述活動其實全部已申請相關簽證，郭小青更是香港人。事後，不少網民留言質問羅健熙，郭小青是香港人，為何要申請香港工作簽證？亦有網民譏笑羅健熙無聊無知，「有病要睇醫生」。 不過，羅健熙昨日又貼文死撐，謂「大家都知我呢個係政治行為，係回應入境署針對 Hidden Agenda 的舉動」。 他又表示：「呢幾個機構有申請簽證，不要緊的。年中有咁多不同活動，政府搞的有、建制派搞的又有，或者唔關政治事既人搞的亦有，甚麼粵曲、京劇、舞蹈、法會、佈道會、五月天音樂會等等等等，你要針對HA，咪逐樣同你試。大型活動試唔到，咪試下中小型活動；新嗰啲活動大家都好小心申請番晒，咪試下以前啲已舉辦既活動咁。」 羅健熙如此無聊，連台灣組合五月天都擺上枱，引來網民留言痛斥，有網民叫他「收皮啦」，亦有網民問候他「XX你老味，有病睇醫生啦！」 被羅健熙「老屈」的郭小青，接受傳媒查詢時亦坦言「有少少嬲」，指摘羅健熙未查清楚就亂寫，行為幼稚。睇嚟羅健熙就算向郭小青道歉都冇用，真係抽水抽著火水矣！ 圖：https://www.facebook.com/dphk.leitung/