1989年發生的六四事件，今年已是28周年，支聯會年年都搞六四燭光晚會，惟大專學界同支聯會已經冇乜計傾。據了解，大專學界今年亦同去年一樣，打算缺席六四晚會。就連支聯會副主席蔡耀昌也酸溜溜地承認，今年沒有聯絡各大學學生會出席六四晚會，唔知係預咗獨派當道的大學學生會不會有代表出席，定係覺得自己搞衰咗紀念活動，冇面叫大學生呢？ 支聯會和大專學界的關係已今非昔比。去年4月，身為支聯會創會成員的專上學聯退出支聯會，接着，大專學界另起爐灶合辦六四活動，支聯會幾經辛苦才找來「大專政改關注組」和支聯會青年組成員撐場，以「代表」新一代。不過，大家都知道新一代根本不會「被代表」，雙方各行各路，人盡皆知。搞笑的是，蔡耀昌一方面承認今年冇聯絡各間大學的學生會出席六四晚會，但又話希望晚會有新一代的聲音，究竟佢想點呢？
返回
