杜汶澤自從支持佔中，被視為黃藝人，在內地發展失利後，表達「異見」益發口沒遮攔，最近又無啦啦話《警訊》製作差。杜汶澤前日喺Facebook轉貼咗條片，留言「真心好好笑！一定要睇晒！結局笑爆嘴」，似乎暗示《警訊》製作「搞笑」，浪費公帑喎。 杜汶澤嘲笑嘅係《警訊》「警方呼籲」環節短片，話說由吳良榮飾演嘅惡父，不滿片中女兒與冇錢冇樓嘅男仔Kelvin交往，仲唔畀阿女同Kelvin見面，有一日阿女晾衫，唔小心跌咗件衫落街。

爆粗鬧警訊堅冇品

之後，吳良榮帶埋富二代阿明返屋企，仲介紹畀女兒認識，不過阿女一早約咗Kelvin睇戲，惡父知道咗就火滾；阿明見勢色唔對亦告辭。「筍盤」一走，惡父開始發脾氣，將女兒嘅嘢由窗口丟落街，第一下咁啱掟中Kelvin，第二下又掟中來察看Kelvin傷勢嘅阿明，結果兩人雙雙倒地。 杜汶澤又寫hashtag：「大是大非唔使研究小事如此，其實好想知一個人嘅智商，去到咩程度至會覺得負責一個防止罪行嘅宣傳工作，應該係咁做」、「我知冇人睇咁，係咪冇人睇大Ｘ曬（晒）吖」、「我有交稅咖（㗎）」、「笑係笑9（呢個係粗口，不解釋）你而唔係真係覺得你好搞笑呀」、「rock過甘味人生」，似乎好唔妥《警訊》製作差，係浪費公帑。 杜汶澤咁識串人，咁《警訊》不如搵佢做惡人甚至賊人，咁就入型入格，又可以少咗個串嘴觀眾亂窒人！ 原圖：杜汶澤Facebook、網絡視頻截圖 https://www.facebook.com/karma.dawa.7 投票已截止，多謝支持