青年新政的兩位已完游蕙禎同梁頌恆，自毁錢途前途之餘，今時今日更淪為過街老鼠，係人都知他們自己攞嚟！可惜，游蕙禎依然唔知自己點衰，見到建制派同泛民早前有飯局，之後民建聯主席李慧琼在電台話是「求同存異的開始」，嬲嬲豬嘅游蕙禎就在Facebook充滿怨氣咁話：「真正異果班都已經俾你地（哋）用各種手段置之死地啦。」其實小編覺得，唔係建制派蝦妳，而係妳哋政治自殺喳﹗咪隨便賴生賴死啦﹗

當正自己完全無錯

游梁宣誓辱國辱華，去年11月人大釋法前夕，反對派遊行到中聯辦，遊行後釀成違法「佔領西環」事件，9衝男昨日提堂。話時話，事件元兇游梁已完頌恆兩人一早唔見人，所以冇事！游蕙禎之後在Facebook又話，「唯望身負重任的義士，平安無恙。」明眼人都知妳兩位縮骨啦，以為戴頂「身負重任」嘅高帽畀9衝男就可以撇除責任？咪玩啦？ 所以話游梁乞人憎，唔只因為佢哋真係乞人憎，更因為二人死不悔改，當正自己完全無錯，到現在仍不懂自我反省。立法會宣誓辱華辱國，是別人逼你嗎？像他們如此一朝得志語無倫次，好學唔學想出位表現自己，結果變成全球華人的公敵，怨得了誰！現在竟然顛倒是非，講到好像被人蝦到好慘慘咁，點解唔話自己低B低能呢？ 原圖：網絡圖片 http://www.discuss.com.hk/viewthread.php?tid=26085531

投票已截止，多謝支持