有些人仇中仇上腦，無論你同佢點講事實，佢只會相信假嘢，活喺自己嘅世界之中。《蘋果日報》所謂專欄作家、一向仇中仇上腦嘅高慧然就係一例。 眾所周知，網絡上充斥「內容農場」（content farm），內裡吹水新聞橫飛。話說有內容農場發表文章，指責紅十字會血庫啲血「捐曬（晒）比（畀）班大陸人」的來抺黑紅十字會，又稱內地人在港進行手術接受輸血，等同將血液「偷運出境」云云。 其實，該文作者叫「你ON9所以我ON9」（ON9好粗魯，不解釋），似乎開宗明義想話畀大家知，佢係想借篇文串某啲人。但搞笑的是，據《文匯報》報道，高慧然見到這篇新聞好開心好興奮，唔理三七廿一在Facebook Share咗先算，完全唔求正唔理真假。誰人ON9誰人不ON9這麼深奧的問題，小編真係唔識考究喇。

「是非對錯自行分析咪就係錯囉！」

對於這種擺明抹黑的流言，紅十字會早就發過聲明澄清，強調收集到的血液只供香港醫院病人臨床輸血治療使用，叫市民不要誤信謠言。紅十字會亦解釋，近年血庫告急主要原因係香港人口老化，需輸血的長者數目急增。 高慧然開心Share兼恥笑「捐血救人，捐器官救人，大愛喇喂！」被網民大罵後先至話「是非對錯自行分析」，意圖當無事發生。結果，網民摑她一巴︰「是非對錯自行分析咪就係錯囉呢單假舊聞！」「農場文章都信，仲要不斷轉載。」但是，高慧然縱使畀人踢爆，依然厚面皮拒認錯。連據稱「反中」自己友都睇唔過眼，直斥「內容農場」成日老作，「的確紅十字會血庫呢幾年成日告急，但從來無機構或傳媒證實中國（內地）病人影響血庫講法喎」。 圖：文匯報、高慧然Facebook http://paper.wenweipo.com/2017/05/03/HK1705030043.htm https://www.facebook.com/yoyo.kowaiyin/photos/a.1417191338513112.1073741827.1415868135312099/1937819373116970/?type=3&theater

投票已截止，多謝支持