議員的質素真是相當重要，好像現時立法會，年青人看到我們尊貴的泛民議員，次次開會好像爛仔鬧交一樣，實在對社會帶來壞影響，叫人怎樣去尊重他們呢？ 好像昨天立法會財務委員會審議政府加入亞洲基礎設施投資銀行（亞投行）的60億股本，期間火花四濺。據報道，會議途中，有議員發現政府文件出錯，要求撤回，財委會主席陳健波覺得純粹係手民之誤，拒絕順應某啲議員嘅小題大造要求。豈料長毛竟然發晒爛渣狂鬧：「我哋就egghead，你哋就係dickhead，恰我哋egghead」。

泛民政客借勢做騷 保護長毛

身為主席嘅陳健波當然冇放過玩嘢嘅長毛，直斥其言論粗俗，教壞細路，要求長毛收回，並趕他出會議室。一班泛民議員見狀仲唔乘機起弶做騷咩﹗工黨張超雄、人民力量慢必陳志全、民主黨黃碧雲等擺出例牌架勢，團團圍住長毛，阻止保安員帶他走，令會議場面混亂，久久未能恢復秩序。最終，陳健波惟有決定提早結束會議。之後，長毛死撐「dickhead」唔係粗口，意思係「不可理喻、傻瓜」喎，賴陳健波為政府護航已經歇斯底里之餘，仲懶好心叫對方睇心理醫生。 小編第一時間問問Google大神「dickhead」點解，佢好快就彈咗Cambridge Dictionary網上版「dickhead」條目畀小編睇。原來，長毛好叻叻豬，冇解錯個字，但Cambridge Dictionary就清清楚楚寫住「dickhead」一詞是「offensive」（冒犯性，下圖紅框示）。據報道，現場亦有多名女性向陳健波反映感到被冒犯。照咁睇嚟，陳健波踢走長毛真係一啲都冇錯㗎﹗ 泛民政客玩完呢樣玩嗰樣，上次慢必連環爆粗，今次長毛有樣學樣，連累休會，不單止浪費納稅人血汗錢，更破壞香港形象。次次開會幾乎如此結局，鑊鑊都係廣大市民找數，見到啲咁嘅議員質素，市民唔嬲就假！ 圖：大公報 http://www.takungpao.com.hk/hongkong/text/2016/1019/31912.html

投票已截止，多謝支持