劉小麗本來自號「小麗老師」，但當選九龍西立法會議員後搖身一變成為「小麗老千」，原因只得一個，就是開空頭支票，過咗當冇﹗ 大家都印象深刻，當時劉小麗好口響話當選後會捐一半人工，在區內成立義工隊服務老人家。但選舉過咗好耐，劉小麗被選民瘋狂追數，猛叫她「小麗老千」，DQ官司纏身嘅佢先至死死氣捐咗一次，之後就當冇事發生。

捐一半人工 捐咗一次當搞掂

被千的選民自然唔忿氣，仇思達之類的閒人更加日日追數。今次仇思達貼上「小麗老千」參選的支持單張，請當日支持她的名人幫手追數：「請『全力支持小麗老師』的鄭經翰、練乙錚和深水埗明哥，全力協助市民追數，督促劉小麗議員捐出一半薪金。」一於出盡方法，點都唔放過走數議員。 網民寓追數於娛樂。有人攞哥哥的經典歌曲追數：「一追再追，追蹤一些生活最基本需要……」有人攞星爺電影對白玩一餐：「現實：如果非要喺依份承諾上加一個期限的話，我希望係一萬年。」亦有人可能追咗好耐忍耐力有限，好唔客氣咁話：「可能佢捐一半薪金比（畀）佢老母，咁佢老母都係長者黎（嚟）既（嘅）！」亦有人笑言：「定還是我地（哋）誤會啦，長者係指練乙錚、鄭經翰同明哥呀？」 唉，自決派頭頭劉小麗好學唔學，學埋泛民的厚面皮，一於扮冇講過承諾，當追數者耳邊風，正式榮升「真．政棍」！不知她會否去到某個階段，話要留錢打DQ官司呢？ 圖：文匯報、大公報 http://paper.wenweipo.com/2017/04/30/HK1704300038.htm http://www.takungpao.com.hk/hongkong/text/2016/1018/31640.html

投票已截止，多謝支持