被港台尊稱為「鄭屎」的倒插國旗區旗偷溪錢熱血公民立法會議員鄭松泰又有低B嘢喇﹗話說全港選民資料電腦失竊事件前日立法會內會投票是否引用特權法調查，結果25票對25票，內會主席李慧琼按議會慣例投反對票。本來係議會常規做法，豈料鄭已完唔鬧泛民唔齊人，竟然醒話根據「英國議會的憲制慣例」，「主席必需『政治中立』，最少要不評論、不投票。所以，今日呢票CASTING VOTE的殺傷力有幾大無乜人明白」，意圖將所有責任推晒落李慧琼身上。

網民：幾唔喜歡都唔可以屈佢

不過，鄭已完的低B很快被網民踢爆。有網民直言，「但議會習慣，當贊成跟反對平手，因未能得到過半數議員支持，主席投反對票是一貫做法」。更有人唔客氣，鬧爆鄭已完低質，「當然，如果有得揀佢都會反對，但事實係佢冇得揀。無論幾唔喜歡嗰個人或嗰個黨，都唔可以屈佢。又或者你根本唔識，咁嘅質素，俾你哋班人有權香港都唔會好咗」。講到面皮厚，鄭已完真係一流，被踢爆後扮冇事，仲要作狀加句「非常遺憾」，真是人無恥，最無敵！

毛婆范國威照抽水誤導網民？

搞笑的是，改稱自己是本土的議員毛孟靜、新民主同盟前議員范國威等紛紛抽水。話時話，毛婆做咗咁多年議員，點會唔知立法會規矩？家吓講呢啲，唔通想誤導網民？ 原圖：大公報

投票已截止，多謝支持