正在與政府打司法覆核官司、隨時會被取消議員資格的「自決派」立法會議員劉小麗，因為通州街天橋底前晚發生火警，昨晚她到現場用Facebook直播「訪問」露宿者，被包括本土派在內的網民指摘隨便上載露宿者容貌，是沒有常識。

被網民批呃 like無恥

劉小麗在「小麗民主教室」Facebook上載兩名因火警而受損失的露宿者「阿田」和「阿林」的面貌，一坐一臥，視頻直播劉小麗「訪問」他們訴說「咩都冇晒」。不過，有網民留言，指「露宿者呢啲議題唔係比(畀)你用嚟抽水架(㗎)」！又指事發後不久，就已有區議員到場了解，並指「處理露宿者問題，係好敏感嘅，唔影佢哋相係常識吧」！直指劉小麗「為咗呃 like，竟然不斷影住佢哋擺上網，唔知佢係無知，定係無恥」！ 另有網民也說：「每個露宿者背後都有佢既(嘅)故事，樣貌公開左(咗)可能會不利於他/她們呢」！亦有網民諷刺劉小麗「又走去抽水」、「不停講唔知可以點做，無建設性」。劉小麗則在Facebook辯稱「已問準（准）了受影響街友接受訪問」，但正如人哋已經講咗「唔影佢哋相係常識」，就算問准咗都應該打格啦！ 圖：小麗民主教室影片截圖 https://www.facebook.com/siulai.hk/?fref=ts

投票已截止，多謝支持