跟泛民議員莫乃光關係密切的黃傘兵組織「前線科技人員」，竟然大肆宣揚白色恐怖，將提名林鄭月娥的選委及其所屬企業逐個起底，誘導網民罷買、罷食、阻做生意。咁都算喇，有人甚至出言︰「下次暴亂燒咗你間舖就唔好啦。」認真恐怖！ 據《文匯報》報道，「前線科技人員」Facebook專頁近日就搞了一個「傑出選委系列」，聲稱︰「為咗表揚一眾提名林鄭選特首嘅商界選委，我哋會逐一介紹佢地（哋），假如林鄭成功當選嘅話，大家一定要幫襯佢哋多D（啲），以表揚佢哋嘅貢獻。」

不分青紅皂白狂Share

心水清的朋友肯定知道，黃民口中「傑出」、「表揚」呢類詞語根本是反話，言下之意是「批鬥」。飲食界選委、太興飲食集團主席陳永安；批發及零售界選委、先施主席及行政總裁馬景煊，以及另一名飲食界選委、蛋撻王創辦人莊任明等先後中招。可恨的是，新民主同盟前立法會議員范國威、「佔領中環」Facebook專頁等等不分青紅皂白齊齊分享有關資訊，一於將白色恐怖盡量放大。 而觀乎留言者的反應，個個當然心領神會。有些網民直接回應說會罷買、罷食，或者詆毁、詛咒相關企業，說甚麼選委「死全家」之類。

撐林鄭竟被咒「死全家」

有些則扮曲回覆：「得閒嘅話，行入去兜二個圈，睇下（吓）有乜嘢需要幫手通知食環，消防等部門去睇睇整改下（吓）。例如有冇D（啲）員工去完厠（廁）所唔洗手，有冇一邊晌廚房做嘢一邊担住私煙，有冇小强（強），地下厠（廁）所嘅衛生，有冇儲存過多氣罐…...，通通都可以履行好市民責任，知會有關部門做嘢。」暗籲網民去阻人做生意。 亦有人懶正直「嚴正呼籲：亂咁叫外賣係唔啱架（㗎），大家唔好咁做呀。」呼籲人亂叫外賣，誓要玩殘食店員工。 談到如何「炮製」先施時，有網民直情恐嚇道：「提醒馬生一句，聽張德江講：『街頭政治不能當飯吃』，投票個（嗰）陣聰明少少，選個受歡迎嘅特首，香港人條氣順D（啲），生意都會好D（啲）。選個行鬥爭路線嘅，下次暴亂個（嗰）陣燒咗你間鋪（舖）就唔好啦 ……」引導暴民日後搞事時燒人間舖的想法呼之欲出。

由辱罵「港豬」變恐嚇

這些擺明用精神甚至實際壓力，逼使選委不支持林鄭的行為，很可能已有觸犯《選舉（舞弊及非法行為）條例》之嫌。退一萬步說，這班口口聲聲支持民主的人，反倒用了最可怕的手法阻嚇選委，簡直離晒大譜。 支持林鄭就要「死全家」？支持林鄭就要被你阻住做生意？支持林鄭就要擔心被人燒舖？黃民不時辱罵不同政見者為「港豬」之類，現在已「進化」到只要政見不同就恐嚇，未來掌握在這些人的手上，香港還有希望可言嗎？ 原圖：前線科技人員Facebook https://www.facebook.com/FrontlineTechWorkersConcernGroup/?hc_ref=SEARCH

投票已截止，多謝支持