【HKG訊】青年新政游蕙禎、梁頌恆兩位「已完」啲衰嘢早已街知巷聞，最新一單係被法官大罵。 事緣游梁因宣誓辱華辱國被法庭褫奪立法會議員資格，官司一輸再輸，繼早前申請上訴至終審法院之許可再被拒後，兩人早前提交文件直接向終審法院申請上訴許可。 本來，梁頌恆以案件複雜為理由，申請聘請英國御用大律師彭力克（Lord David Philip Pannick）來港，代表他們盡地一煲、垂死掙扎，而高等法院今開庭審理並批准有關申請。

未打終極一戰 先留壞極印象

不過，上訴庭副庭長楊振權批評申請人梁頌恆，指斥他嚴重浪費法庭時間，皆因律政司司長與大律師公會一早就表明唔反對有關申請，法庭本可直接下令批准有關申請，不用開庭處理，但梁頌恆一方無申請撤銷今日聆訊，累法庭浪費時間。 眾所周知，司法機關人員成本非常高，時間好寶貴，睇睇訟費幾貴便一清二楚。點都好，究竟今次事件是技術原因甩轆，還是游梁慣了攞公帑買酒、買鬆弛熊、買PS4，所以一向都覺得納稅人嘅錢唔係錢，可以亂咁揈，因而忘記提醒法庭撤銷聆訊，真係不得而知，但游梁肯肯定未打終極一戰，先留咗好壞嘅印象畀法官大人喇。 原圖： http://www.commissionofinquiry.gov.hk/chi/membership/membership.htm https://www.facebook.com/RTHKVNEWS/

投票已截止，多謝支持