【HKG訊】自「長毛」梁國雄選布參選特首後，有批評指他打亂民主派的提名及投票計劃，直斥他搞局。長毛今日上電視節目《講清講楚》，再一次重申參選是要向民主派選委提供另一個選擇。又言如果提名及投票要「兩害取其輕」，「加入民建聯咪得囉！」

指教協爭取政策可靠罷工

長毛有意競逐行政長官，據知泛民「民主300+」大部分選委對此反應冷淡。長毛在節目中表示，面對威權政治，民主派不應只想令「阿爺欽點嘅人唔好咁差」，認為倘自己不參選，民主派的票將全數過予曾俊華，「造咗一舊佢舉唔起嘅石。」 他直言︰「我只是希望在這個小圈子選舉，咁骯髒嘅遊戲中，民主派要諗清楚，有人同你講，某一個建制派候選人係lesser evil(沒那麼邪惡)，到底點先算係lesser evil？你係要諗。我哋嘅設立，唔係令對方威權政治統治的人有一個較軟的統治，我哋係希望令我們代表的人，即係冇投票權的人，終有一日靠我哋自己嘅力量，令我哋自己有票投。」 長毛又謂，香港改革不成功，多數是因給予政府壓力不夠，更指如教協想借曾俊華爭取的政策，可透過自身罷工爭取，批評若只想兩害取其輕，「加入民建聯咪得囉！」咦，葉建源你聽到冇？ 原圖︰無綫新聞截圖

投票已截止，多謝支持