【HKG訊】社民連「長毛」梁國雄搞局宣布選特首，聲言如果拿到3.8萬個公民提名就會參選。原來，長毛幾個月前已經「備選」，早早問定老對手、民建聯蔣麗芸攞票。 話說蔣麗芸昨日在上載短片「論盡議會」，大談長毛選特首，指他一宣布參選，立即搞到泛民、反對派「好陰公、好痛苦」。

曾問你會唔會提名我？

蔣麗芸大爆，早幾個月有一次在立法會電梯口遇到長毛，長毛竟然問她：「你會唔會提名我？」蔣麗芸直言當時好愕然，奇怪長毛「咁好膽」參選特首，但她自言「上天賜我好生之德，我唔可以話一下子打殘佢」，所以勸勉長毛先向同路人拿取足夠提名。 勢估唔到，長毛竟然好似好認真咁宣布參選。蔣麗芸坦言，自己的第一個反應是不知他抽水還是嚟真？雖然長毛需要過兩關——3.8萬公民提名和150張選委提名，蔣麗芸相信，長毛作為資深議員，要拿3.8萬個公民提名應該不難，但她認為假如長毛「真係攞唔到，就唔該你唔好做議員，辭職算喇」。

勸與泛民割席改邪歸正

蔣麗芸更建議，如果最終泛民選委咁唔畀面死都唔肯提名長毛，長毛就應該跟泛民割席，「以後改邪歸正，唔好再拉布，再搞搞震。」 圖：蔣麗芸、梁國雄Facebook https://www.facebook.com/chianglaiwan/photos/a.809543289071494.1073741828.537711586254667/1545831195442696/?type=3&theater https://www.facebook.com/longhairhk/photos/a.79833563252.78031.10795878252/10154418562178253/?type=3&theater

投票已截止，多謝支持