【HKG訊】「專業議政」的立法會議員郭榮鏗，日前受訪時表示，「民主300+」很大機會提名前財政司司長曾俊華和退休法官胡國興兩人。正所謂「郭榮鏗不代表我」，一眾「民主300+」選委淪為被代表，自然嬲到震，更有報道指有匿名泛民選委揚言挺曾，醫學界選委黃任匡在Facebook上發文炮轟，指自己參與「民主300+」多次會議，從未聽過支持曾的共識！

政綱未出就支持提名？

泛民一向反對「831框架」，但郭曾言提名時不受此限，可以靈活變通。難怪黃直言︰「想造王唔係問題，但係D300+出嚟選嘅時候就唔好咁大聲講乜嘢真普選、乜嘢換人換制度、乜嘢撤回831框架啦。」更揶揄︰「唔通選之前就民主300+，選之後就變成造王300+。」

雖然匿名選委並非一定是郭，但兩者意念相近，都是表明撐曾俊華。黃就此狠批︰「喂阿哥，唔係話唔俾（畀）你提名John Tsang（曾俊華），但係最最最起碼，你都等人地（哋）出左（咗）政綱，睇下對唔對路，再討價還價丫（吖）？」

黃的言論獲不少泛民支持，其中IT界選委陳澤滔就分享帖文並寫到︰「郭榮鏗×up（噏）不代表我。」眼見「民主300+」人人怒火中燒，「專業議政」梁繼昌急急補鑊救火，指「傾向」並非決定，希望大家切勿誤解。

其實郭榮鏗唔好再亂講嘢喇，高志森導演早前已批其言論「精神分裂」，而家連同路人都踩多腳，祝佢自求多福喇！

圖︰郭榮鏗Facebook

https://www.facebook.com/cpdenniskwok/?fref=ts