【HKG訊】正當大家都將目光放喺特首兩大參選人林鄭月娥及曾俊華身上，其實張建宗同陳茂波已經靜雞雞分別接替咗佢哋嘅空缺。今日新科政務司司長張建宗出席電台節目講吓感受，被主持人大爆原來佢做咗9年局長，竟然連1日假都冇放。張建宗更笑言，自己當年提早退休唔做公務員，一共放棄了280日假，換成錢絕對夠晒買間丁屋！

唔做公務員 放棄280日假 換錢夠買丁屋

有媒體很「震驚」地報道，張建宗出席志雲大師的節目，證實了一「江湖傳聞」，原來張建宗真係唔放假；而當被問到平日幾時收工，張建宗更加說「我唔睇鐘㗎」，一KO晒全港打工仔﹗ 搞笑的是，張建宗自言落力為勞工爭取權益，亦明白假期及作息都很重要，「但我從來唔放假」。點解？因為他非常熱愛工作，既然放假都係狂睇新聞、關心社會，不如返工好過。他還表示回家吃飯後就會「消失」，繼續工作。 咁樣講，張建宗都係工作狂中嘅極品，大師驚訝到直言他未離婚真是奇跡。張建宗就自言是個從一而終的人，一個僱主，一個服務對象，一個太太。可能就係靠呢把咁甜嘅嘴，所以佢同太太好恩愛啦﹗

新特首邀請 毫不猶豫留任 做返局長都得

被問到林鄭月娥的形象是「好打得」，張建宗希望給人甚麼形象，張竟表示不想有甚麼形象，只要知道佢好做得就得。而談到是否願意留任下屆政府，他表示如獲新特首邀請，會毫不猶豫地留任，甚至不介意做回局長，只要能夠為市民服務，任何崗位都不介意。 圖：港台新聞截圖 http://news.rthk.hk/rthk/ch/component/k2/1308854-20170120.htm http://news.rthk.hk/rthk/ch/video-gallery.htm?vid=1307241

投票已截止，多謝支持