【HKG訊】鄭松泰隨時同立法會講拜拜？早前建制派議員大反擊，發動流會唔畀青政辱國辱華的游蕙禎、梁頌恆重新宣誓。在建制派離場期間，「熱狗」鄭松泰無謂兼低B地將建制派桌上的五星旗及區旗倒插，結果被謝偉俊動議譴責。本來鄭松泰還是嬉皮笑臉當冇事，但傳媒報道，最少要有7人的調查委員會名單首度曝光，已經有5個建制派委員坐定定準備郁手，而一早睇鄭松泰唔順眼的泛民、自決派則一個都冇，只要隨便搵多兩個人加入，鄭松泰分分鐘劫數難逃。

完全冇人幫 人緣好鬼差？

有傳媒報道，立法會內委會昨向議員發文件，提到截至16日，已有何君堯、自由黨邵家輝、金融界陳振英、民建聯張國鈞和工聯會陸頌雄等5名建制派議員加入調查鄭松泰低B倒插國旗事件的委員會，加上泛民政黨唔知係咪爆陰毒，事先張揚杯葛，而提出動議的謝偉俊及「事主」鄭松泰亦不能加入，故從當前委員會的組成來看，根本不會有人為鄭松泰講好話。 事件最終會否演變成DQ冇人知，但同游梁宣誓辱華一樣，本來鄭松泰早少少低聲下氣同大家道個歉，事件絕不會發展到如斯田地。可惜，鄭松泰同游梁半斤百両，淨係識死撐，自然引來建制派反咬。另一方面，連尚算盟友的泛民中人、自決派等等都袖手旁觀，更可以見到鄭松泰份人有幾衰。點講都好，鄭松泰咁大個人都仲咁低B，一切都係自己攞嚟衰。 圖：大公報 http://news.takungpao.com/hkol/topnews/2016-10/3382314_wap.html

投票已截止，多謝支持