美國總統拜登於美東時間7日晚發表任內第3份國情咨文，亦係佢今屆任期內嘅最後一份。這份國情咨文，可視為佢為11月美國總統競選連任熱身。佢以烏克蘭戰事作為開首，再次敦促國會批出資金援助烏軍抗俄，顯然拜登無視烏克蘭總統澤連斯基，根本係扶不起嘅阿斗，再怎麼加大力度援助，也難以和普京對抗。至於談及中美關係，拜登就強調期望與中國競爭，而非衝突，美方堅決維護台海和平穩定云云。

說到要和中國競爭而非衝突，恐怕上帝都會笑了！中國外交部長王毅7日出席十四屆全國人大二次會議喺北京梅地亞中心新聞發布廳舉行記者會時，被問及中美關係時，王毅精警的道出真相：美國如果一聽到「中國」這兩個字就緊張焦慮，大國的自信何在？佢指出，美國打壓中國的手段不斷花樣翻新，單邊制裁的清單不斷延長，欲加之罪到了匪夷所思的程度。王毅不點名幽了老美一默，他說「不能允許有的國家必須在餐桌上、有的國家只能在菜單裏」，老美一直霸氣自以為是，要和中國「競爭」，卻執意壟斷價值鏈高端，只讓中國停留係低端，試問公平競爭何在？

中國一直強調無意稱霸世界，也無意取代美國地位。之但係，美國卻沒有自信，係老美眼中，所有來自中國的東西都係威脅，華為、中興、TikTok不用說，甚至連流浪氣球、起重機、大蒜，老美都認為有「陰謀詭計」。堂堂一個超級強國，竟然脆弱成咁，一味杯弓蛇影，惶惶不可終日，你話係咪笑話？

美國最失敗，就係講一套做一套。對於以巴戰事，拜登重申作為以色列嘅長期支持者，「兩國方案」是加沙地帶實現和平的唯一持久方法，沒有其他道路可以實現。拜登忽然大發慈悲，宣布會係加沙建造一個臨時碼頭，大規模增加運入加沙嘅人道物資數量。明眼人都睇到，中東局勢緊張，以哈戰事外溢，不停戰對其11月美國大選肯定不利。喺早前嘅「超級星期二」民主黨初選中，拜登縱大部分勝出，但有大量選民投「不表態」票表達對其不滿。以巴之戰再持續下去，對其連任肯定有阻礙！可見拜登的「善心」有幾咁真？

近日英美媒體又透露，美國每年恒常逾33億美元對以色列援助之外，美國1976年嘅《武器出口管制法》容許總統在向以色列等盟國轉移低於2500萬美元的「主要防衛設備」，或1億美元以下嘅炸彈類「防禦物資」嘅情況下，毋須事先知會國會。拜登政府便利用呢個法律罅，自去年10月以哈衝突爆發戰事以來，向以色列達成逾100宗小規模武器交易。於此亦可見拜登政府嘅虛偽，邊撐停火邊暗地裏售武給以色列，難怪內塔尼亞胡堅持殺絕哈馬斯及趕絕巴人，視「兩國方案」如放屁！

人有善願，天必從之。美國總統大選，不論係拜登或特朗普當選，兩人不過是「美國人熟悉的魔鬼」，邊個當選，也無助美國霸權走下坡！而若然拜登當選，以其昏昏之老態，是否能再完成4年總統之任，確使人懷疑。筆者倒認為，拜登當選，以其85歲完成4年總統任務，相信必後無來者矣！若佢中途「不行了」，副總統賀錦麗曾謂「準備好擔任總統」，也許念念不忘必有回響，當真做咗總統，咁都算歸功拜登，諦造了美國首任女總統！

原圖：Joe Biden Facebook影片截

https://www.facebook.com/joebiden/videos/366179802983548/

文章純屬作者個人意見，並不代表本報立場