以色列已經完全唔聽老美之笛，其總理內塔尼亞胡尤其囂張，佢不久前係記者會上，一臉不屑表明拒絕哈馬斯嘅建議，指與對方嘅停戰談判冇任何進展，形容哈馬斯開出嘅條款係「妄想」。內塔尼亞胡一直以全面戰勝哈馬斯係唯一方案，持續嘅軍事壓力係釋放人質嘅必要條件，揚言以軍將係幾個月內戰勝哈馬斯，取得徹底及最終勝利，不會有其他解決方案；佢仲警告：若果哈馬斯能夠係加薩存在，發生下一次屠殺只係時間問題！

對以軍嘅行動即將擴大至拉法，聯合國秘書長古特雷斯曾警告，以軍一旦進軍拉法，將加劇當地嘅人道危機，並引發難以估計嘅地區局勢後果。

聯合國人道主義事務協調廳（OCHA)表示，拉法屬於人口稠密地區，以軍若將行動範圍擴大到當地，將導致大量平民傷亡。然而，殺紅了雙眼嘅內塔尼亞胡根本係想趕盡殺絕巴人，還會顧及甚麼人道主義嗎？

有美媒分析了數以百計身處加薩以軍係社交平台發布嘅影片，顯示不少以軍劣行，如公然摧毀、破壞平民設施；千方百計羞辱巴人，譬如一邊破壞一邊豎拇指，笑着倒數爆炸和跳舞慶祝等。如此羞辱巴人，完全冇法紀可言！還是前國務卿希拉妮頭腦清晰，直斥內塔尼亞胡不值得信賴，需要下台！否則以巴難以停火。

果不其然，以軍12日凌晨對拉法展開大規模攻勢，國防軍海、陸、空全方位轟炸當地及周邊地區，造成超過100人死亡及數百人受傷。報道指出，法拉科威特醫院周圍遭猛烈炮擊，多名傷者送入醫院救治，大部分是小童。所謂「確保平民安全」，不攻自破。內塔尼亞胡嘅所作所為，連拜登都認為「已經太過火」！

拜登對伊朗冇符

事實上，伊朗總統萊希周日係德黑蘭自由廣場發表講話時，指摘以色列係美國和其他西方國家支持下，於加薩地帶實施種族滅絕；佢要求把以色列逐出聯合國，質問「一個違反400項國際組織的聲明和決議嘅政權，如何能夠遵守聯合國公約」？

美國對以色列狂轟濫炸加薩、拉法冇符！回顧美軍係約旦嘅基地遇襲造成3死40多人受傷。美國國防部長奧斯汀召開簡報會時稱，美軍將展開為期數天嘅報復性攻擊行動，針對獲伊朗係背後支持嘅敍利亞及伊拉克民兵組織。常言「擒賊先擒王」，美國心知肚明區內局勢亂成一鍋粥，都關伊朗事；可是又對伊朗冇符，未敢輕易言戰！

美國對着伊朗，昔日嘅霸氣盡失！毛澤東大早已批美國係「紙老虎」，欺善怕惡，「柿子挑軟的揑」，伊朗擁核，2024年其綜合軍事實力，係全球145個國家之中排名第14位，都唔係嘢小，老美成日掛嘴邊「不想同伊朗開戰」豈是無因？如今連一個以色列狂人內塔尼亞胡也冇符，看來除了是「紙老虎」，本國問題多多，單係美國國債2023年首次突破34萬億美元，政府財赤屢屢飆升，國債規模如滾雪球般不斷擴大，速度之快令人震驚！美國看來亦係泥菩薩過江，自身難保！

原圖：拜登FB圖片、內塔尼亞胡FB圖片

文章純屬作者個人意見，不代表本報立場。