菲律賓敢於藉一艘擱淺咗24年殘破軍艦，向中國宣示主權，唔通真係食咗豹子膽？菲律賓作為亞洲區內三流小國，軍力薄弱，國家又窮，斗膽向中國叫板，係人都知係美國係背後撐腰！事實上，菲中交往，數十年來忽冷忽熱，主要視乎誰任總統。

前任總統杜特爾特就親中，中菲關係非常融洽；如今之小馬可斯，口稱奉行「不樹敵政策」，實則愈來愈親美，親美自然要與中國對着幹，是以又再搬出再前一任總統阿基諾三世時代，向海牙常設仲裁法院所提出嘅「南海仲裁案」搞搞震。

關於「南海仲裁案」，北京向來拒絕接受，中共外交部長王毅上月出席印尼雅加達舉行嘅東盟外長會議時重申，南海仲裁案明顯係一場政治操弄，悖離咗《聯合國海洋法公約》締結原意，係事實認定和法律適用等都存在明顯失當，受到國際法專家普通質疑。

關於今趟仁愛礁事件，中國發言人指中國海警船依法對菲國船隻使用水炮實施警示，現場操作專業、克制，無可非議。並再次呼籲菲方接受中方建議，通過商談探討管控仁愛礁局勢嘅具體措施。

美國利用菲律賓炒作南海問題

之不過，中國嘅克制，並冇贏得菲方也克制，知所收斂。菲律賓國防部長特奧多羅不久前回應中方，指北京應停止通過騷擾菲方船隻和在南海建造建築物來實施「入侵」。而菲律賓有參議員仲提案，要求菲國斥資一億披索（約1376萬港元），喺有主權爭議嘅南仁愛礁建造避難所或住宿設施，聲索主權！中方好聲好氣建議談判，可菲方得寸進尺，這不就是俗語所說的「閻王好見，小鬼難纏」嗎？

小馬可欺早年曾因蔑視美國聯邦法庭判決而長期被禁止入境美國，之但係佢勝選後，拜登政府第一時間向佢拉攏，釋出善意，指小馬可斯擁有外交豁免權，可隨時訪問美國。過去一年，美菲軍事合作持續升溫。菲律賓同意再向美軍開放4個軍事基地，今年4月，美菲兩國又進行有史以來規模最大嘅聯合軍演，有逾17000名軍人參加。

美國佬點會死錯人吖！不過利用菲律賓炒作南海問題。有論者指出，山姆大叔係睇中中菲距離台灣較近，可以一下子把南海、台海兩個潛在衝突點連在一起，為日後對付中國鋪路。之但係，人算往往不如天算，老美不是以為藉俄烏戰事，可以速戰速決令俄羅斯敗北？誰知俄羅斯即使遇瓦格納兵變流產，普京地位不但絲毫冇損，更是愈戰愈勇！

今菲國咪妄想一心甘做美國馬前卒，一再挑釁北京以為好過癮，以為大衛可以打敗哥利亞？分分鐘被美國利用，搞到自己國家更趨破落貧窮，屆時喊都無謂！

原圖：Presidential Communications Office Facebook

https://www.facebook.com/pcogovph

文章純屬作者個人意見，並不代表本報立場