商人比政客務實，一點不錯。美國電動車公司Tesla行政總裁馬斯克剛於5月30日至6月1日訪華，這是他隔3年再次訪華，有網民發現，身處中國約45小時期間，佢係Twitter僅發帖4次，平均每日兩帖，較平日頻率驟降。

呢個不難理解，馬斯克三日兩夜行程十分緊湊，馬不停蹄拜訪官員，又要發挖商機，又從北京轉飛上海視察超級廠房，同員工打成一片。有論者指出，恰巧於呢45小時內，佢嘅身家暴漲，重奪世界首富寶座，可見呢趟行程值回票價。

眾所皆知，馬斯克一人掌控Tesla、SpaceX、Twitter呢3間巨擘，又點只係電動車老闆咁簡單吖！之不過，又真係好神奇，佢訪華期間，係立斯達克掛牌嘅Tesla股價逆市大漲，截至上月31日星期三收市突破200美元關口，市值超過6300億美元，Bloomberg即時富豪榜列出其淨資產係星期三達到1923億美元，身家再度超越法國品牌LVMH老闆Bernard Arnault，重奪世界首富寶座。是以有評論指佢在華45小時，係挖金45小時！

在華45小時是挖金45小時

馬欺克私人飛機抵北京後，當日即獲中國國務委員兼外長秦剛接見，兩人談笑甚歡，握手合照。據新華社報道，秦剛以「車」比喻，稱「發展好中美關係，需要把準方向盤，沿着習近平主席提出的相互尊重、和平共處、合作共贏的正確方向前進；及時「踩煞車」，避免「危險駕駛」；善於「踩油門」，推進互利合作。

秦剛嘅比喻真係妙到毫顛，美國政客要求訪華卻一味搞挑釁和制裁，這不是冇把準方向盤更不善於踩油門嗎？盲撞亂撞，不誠無物，又不懂以禮待人，你估中國仲係晚清時嘅中國咩？呢，美國印太司令部上月30號公布一段影片，指摘中國戰機喺26號以「不專業」方式，喺南海上空攔截美國戰機。畫面顯示，一架解放軍殲16戰機，從美軍RC 135電子情報偵察機前方掠過，美機機尾受暖流擾動大幅度搖晃。好明顯，解放軍並非「不專業」，而係向美軍施以顏色，誰叫山姆大叔藉着所謂嘅航行自由，隔三差五就跑到爭議領海及領空穿梭？過去兩國軍力懸殊，中方也不會忍氣吞聲，何況今時今日軍力強盛，綜合國力提升，對山姆大叔的挑釁梗係唔會再啞忍啦！

話說回來，還是商人馬斯克識時務者為俊傑！佢善於把準方向盤，佢回應秦剛的比喻時強調：中國人民勤奮、智慧，中國發展成就理所當然。美中利益交融，如同連體嬰兒彼此密不可分。Tesla反對「脫鈎斷鏈」，願繼續拓展在華業務，共享中國發展機遇。
咁識講嘢，抵你發！依筆者估計，佢好快會再來華，大有機會獲國務院總理李強接見，甚至習主席親見也不出奇！

原圖：Elon Musk Twitter圖片、新華社圖片

https://twitter.com/elonmusk/status/1664330035530964996/photo/1

文章純屬作者個人意見，並不代表本報立場